Populære bibelvers fra Asat 1

Del

Kake itumtum ngolon kenya tenelotu Ltau Sinyati atua ntae, nilimumu sipata ai te Yerusalem o to nkop pooki e Yudea o Samaria o neiting'ie nkop.>>

Nejoki ninche, <<Mara siaai linchi payie iyielouu ng'amat o mperot naategelua Papa te nkitoria enye.

Kore mparri nabo enyeita ninche ndaa, neicho ana kitanapata, <<Eming'uaa Yerusalem, kake entaanyu ilo lekutuk oitaka ntae Papa, ilo litining'o apa ta nanu. Amu kore apa Yoana naa keipatisa ntae ta nkare, kake kore too nkuti mperot naa keipatisi ntae ta Ltau Sinyati.>>

Kore eidipaki aaitama sina neri metua, neibalie koon too lolo kipaareta lenyena, eitodolu nkatitin kumo sipat nchere keichu. Ketaase ana taatua mperot 40 eipung'oki ninche, neliki mbaa naaipirita nkitoria e Nkai.

Kore payie eidip atejo kuna baa, neiliepieki aaya chumata edolita ninche, neisiapaa ꞉nkidis.

Kore eapaa nkonyek aaimariri chumata eiliepita, nejo pang lewa oare ooichopito nankan naaibor neiitachoo tankalo ninche. Nejoki, <<Lolewa kulo le Galilaya, aanyo payie intachoo aing'or chumata? Kore ele Yeso, oiliepieki aitung'aa ntae aaya chumata, naa kechukunyie ana nitoduaa payie eiliep alo chumata.>>