Populære bibelvers fra Sélimɛ 37

Del

A ŋɔ́nigɔ kɛ́nì tuu Yusufu nɛ̄ wè, a wi 'ki juu wi lɔbilɔ mɛ́ bèle, a wi kaala ni nɛ́ pe sɔ́migɔ nɛ̀ biɛn.

Yusufu wi yé Isirayɛli dɛ́ni wè nɛ̀ tóri wi jaasɛnminɛ nɛ̄ bèle, nɛ́ ki cɛ́n wi yé wire sii wi liɛrɛ lɛ̀lɛ nī lè. A wi 'burugbuʔɔ cɛ̀ngɛ jɔli nɛ̀ le wi nɛ̄.

Bà wi lɔbilɔ pe 'ki nyaa wire wi yé pe tuu dɛ́ni wè nɛ̀ tóri peli nɛ̄ bèle, a wi kaala ni 'pe sɔ́migɔ nɛ̀ biɛn fúɔ piyè cî ní gbɛ̀ funnyige siɛnrɛ juu nɛ́ wi níʔ.

A Yusufu wi ń'nɛ̀ ŋɔ́nigɔ káà ŋɔ́ni, nɛ̀ ki juu wi lɔbilɔ mɛ́ bèle nɛ́ jo: «Ye‑ ki wéli, mi ń'nɛ̀ ŋɔ́nigɔ káà ŋɔ́ni, nɛ̀ ki nyaa, cɛngɛ gè, nɛ́ yege ní gè, nɛ́ ŋɔgɔlɔ kiɛ nɛ́ nigbe ní gèle, a ke mìɛni pɛ́nì tuu nɛ̀ cúbulo mi táanni.»

A ki 'kò yejaʔa wi lɔbilɔ mɛ́ bèle, Yusufu kɔli mɛ́ gè. A wi tuu wi 'siɛnrɛ dáà cò dè wi fungo nī gè.

A Yusufu wi 'pe yɛ: «Mi nɛ yeli fiɛn wī, ye‑ lúʔu m'mɛ́. Ŋɔ́nigɔ ki 'tuu mi nɛ̄; ki siɛnrɛ ti n'dɛ: «Mi 'ŋɔ́ni nɛ̀ ki nyaa we 'puu siʔi mɛ́ nɛ yaliire kɔni níɛ ti puu puʔɔlɔ puʔɔlɔ. Cɛ̀ri 'sìʔɛrɛ a mi yaliipuɔlɔ ni 'yɛ̀ nɛ̀ yéri, a yeli yaliipuʔɔlɔ ke pɛ́nì mi woli màʔa lè nɛ̀ suʔu nɛ́ tuu nɛ̀ sínɛ mi woli táanni lè.»

Píra ŋáà nī wè, lɛ̀lɛ ni 'nɔ̀, yeri báan we‑ wi kpúu we cáan kàtiʔɛ gáà ki kàa nī. We bé sa ki juu bé jo nyàʔayɛgɛ káà pɛ́nì wi káa. Wé sí ki wéli a ki yē wi ŋɔ́niyɔ yi bága fori yè.»

Bà Madiyan kùlo yasuɔbarilɛ pe 'puu nɛ tóri bèle, a Yusufu lɔbilɔ pe 'wi píle nɛ̀ yige kàtiʔɛ nī gè nɛ́ wi pári Simayira siɛnnɛ mɛ́ bèle, walifiiwe walikpegele togo, a peli 'wi suɔ nɛ̀ kɛ́ nɛ́ wi ní Ezipiti kùlo mɛ́ lè.

a pe 'juu nɛ́ pìye ní nɛ́ jo: «ʔé ! Ŋɔ́nidɔfɔli wiī nɛ báan baa !

Bà pe kɛ́nì wi nyaa wi báan liʔi wè, sɛ́ni wi 'nɔ̀ pe nɛ̄ wè, a pe 'pìye nyaa nɛ̀ juu bè wi kpúu

Ye fǎga tíi we‑ sìsiɛn wo gèʔ ! Ye‑ wi wáa kàtiʔɛ gáà nī gè náʔa nyàʔa nī gè, yé fǎga yeli kɔli taʔa gè wi nɛ̄ʔ !» Wi 'puu nɛ caa bè wi suɔ bè sa kɛn wi tuu mɛ́ wè.