Populære bibelvers fra Sélimɛ 32

Del

A nàguɔ wi sí Yakuba yúgo wè: «Pe 'muɔ ye gáa ?» A Yakuba wi 'jo: «Pe 'mi ye Yakuba.»

Bà siɛn wi kɛ́nì ki nyaa wire sǐ jáa Yakuba nɛ̄ wèʔ, a wi 'Yakuba kpúɔn cenyugo nɛ̄ gè nɛ̀ ki 'fùgu, á pe ní cáanra nɛ̄ dè.

A wi 'pe líɛ nɛ̀ lakolibile jeli lè, nɛ̀ wi yɛrɛ ti mìɛni pínɛ nɛ̀ jeli nɛ́ pe ní.

A Yakuba wi 'nàguɔ yúgo wè: «A muɔ míʔɛ gè do ?» A nàguɔ wi 'jo: «Gáa nɛ̄ muɔ kpáan nɛ̀ mi míʔɛ yúgo gè ?» Nɛ́ fali nɛ̀ diba taʔa wè Yakuba nɛ̄.

Bà Yakuba 'kò wi nigbe wè, a siɛn wáà pɛ́nì cáan nɛ́ wi ní fúɔ nɛ̀ pɛ́nì kpìɛnmɛ tuu bè.

A nàguɔ wi kɛ́nì jo: «‑Mi yaʔa mi‑ kɛ́, nɛ́ ki cɛ́n kpìɛnmɛ pi 'tuu wī.» A Yakuba sí wi yɛ: «Miǐ ga tíi muɔ yaʔa muɔ kɛ́ʔ, ka laa muɔ sì diba taʔa wè mi nɛ̄ʔ !»

A nàguɔ wi sí ń'nɛ̀ jo: «Piyě ní de muɔ yeri Yakuba cíginiʔ; muɔ míʔɛ ki bé yiʔɛ bè kò Isirayɛli, nɛ́ ki cɛ́n muɔ nyɛ́nì cáan nɛ́ Kulocɛliɛ ní, nɛ́ siɛnnɛ ní bèle, a muɔ 'fànʔa taa.»

A Yakuba wi sí Kulocɛliɛ náari wè, nɛ́ jo: «Cáa ! Kulocɛliɛ, muɔ ŋáà wī mi tuuliʔɛ Birayima Kulocɛliɛ wè, nɛ́ mi tuu Siaga Kulocɛliɛ wè, cáa ! Yewe, muɔ ŋáà ma 'ki juu mi mɛ́ nɛ́ jo: ‹Koli mari waa muɔ kùlo mɛ́ lè, muɔ wuulo tiʔɛ nī gè, dí mi bé kacɛ̀ngɛ kpíʔile muɔ nɛ̄ wè,›

Bà cɛngɛnyɛni ni 'puu nɛ foligi lè, a Yakuba míɛni nɛ yigi Peniyɛli nī wè, nɛ̀ ki yaʔa Yakuba 'puu nɛ tári nɛ̀ siʔi cenyugo nɛ̄ gè.

Nɛ́ ki cɛ́n wi yé ki sɔ̀ngi nɛ́ jo: a Ezawu pɛ́nì gboli láà kpúu lè, gboli siinwoli lè ni bé suɔ.

mi nyɛ́nì cɛ́ri nɛ̀ tóri muɔ bànguɔ dɛ́nigɛ kele nɛ́ muɔ kányiʔɛ kaala ní lè, gàli muɔ nɛ kpínʔini mi mɛ́ gèle, mi ŋáà wī muɔ baakuɔwɔ wè. Mi kàgbiile lire ni 'puu mi mɛ́ lɛ̀lɛ líì nī mi Zurudɛn cáʔa jeli gè. Pàngɛ gè, mi n'ŋɛ, mi siɛnmɛ pi 'niʔɛ nɛ̀ kò gbuʔulo siin.