Populære bibelvers fra Sélimɛ 27

Del

Kulocɛliɛ wi‑ nyìʔɛnɛ kámɛgɛ kɛn gè muɔ mɛ́, wi‑ ní muɔ yaʔa muɔ‑ dàataanna taa, wiri yaliire kanʔa dè muɔ mɛ́ nìʔɛrɛ nɛ́ ɛrɛzɛn luʔɔ ní gè. Siɛnfeliye yiri baara muɔ mɛ́ dí kùlogolo keri tun de cúbulo muɔ yiʔɛ mɛ́ ! Ma puu muɔ siinyɛninɛ pe mìɛni kàfɔli, dí muɔ laayirinyɛninɛ peri tun de cúbulo muɔ yiʔɛ mɛ́ gè. A siɛn ŋíì 'dɛ́ngɛ taʔa muɔ nɛ̄ wè, ki siɛn wi bé dɛ́ngɛ taa míɛni. A siɛn ó siɛn diba 'kpíʔile muɔ mɛ́ wè, ki siɛn wi bé diba taa míɛni.»

A Ezawu sí jo: «Bɛ̀ pe 'wi ye Yakuba wè, Kpìlikpilifɔli wè, kire nɛ̄ lé wi 'mi fáanni nɛ̀ taa tɔliyɔ siin ? Nɛ́ ki cɛ́n wi 'kíni nɛ̀ mi fáanni nɛ̀ mi liɛrɛ suɔ dè mi mɛ́, nɛ́ ń'nɛ̀ koli nɛ̀ pɛ́nì mi diba yùu wè.» A Ezawu ń'nɛ̀ jo: «Muɔ sì cɛ́nì diba siɛnrɛ táà cɛ̀ri yaʔa mi mɛ́ lé ?»

A wi tuu Siaga wi sí jo: «Te mi siɛnrɛ lúru dè: Muɔ tɛ́nidiʔɛ ki bága ba líili dàataanna nɛ̄ lè nàa pe 'fáli lè, bè líili míɛni kámɛgɛ nɛ̄ gè gàa ki tíri nyìʔɛnɛ nɛ̄ lè. Muɔ béri muɔ nyalii taʔa wè muɔ kapiɛngbuɔn ŋɔnɔ lire nɛ̄. Muɔ bé puu muɔ cɔni wi sùkulowo. A muɔ sí kɛ́ni nyaari nɛ tɛ̀ní nɛ mári wè, kire lɛ̀lɛ lire nī muɔ bé nɛ́ gbɛ̀ mìɛ suɔ; bé nɛ́ gbɛ̀ zuu cúʔɔ wè, ŋàa wī puɔwɔ muɔ yétiige nɛ̄ gè.»

A Ezawu sí ki juu wi tuu mɛ́ wè nɛ́ jo: «Kire diba siɛnrɛ tire yákuɔ dī baa muɔ mɛ́ lé, Aba ? ʔé mi tuu ! ‑Diba wáà taʔa mi nɛ̄, mi míɛni wè !» A wi ń'nɛ̀ nyɛni nɛ́ yékpogbuɔlɔ ní.