Populære bibelvers fra Mateu 26

Del

Pesaru pepurandu irumu yawaite Yurupari uganani penye pemunya arama puxi, supiwa pepia uputari maa pepira pituawaa ae.

Asui umbeu ainta supe: —Sasiyara sepia turusu yawaite maa hamanu sesewara, kuiri pewapikare ike pesaru seirumu.

Asui usu aintasui apekatu xinga uyawika uyenu iwi rese upurandu arama ipaya irumu umbeu: —Inde sepaya reputari rame rexari sekupu usasawa sesui maa teremunya kuaye haputariwaa yawe maa remunya kuaye reputariwaa yawe.

Aete seruwi uxari aramawaa santa ipupe kua hambeuwaa penye arama, kua haxariwaa uyusena aintaresewara kuaita siyawaita hamburi arama aintasui aintapekadu.

Asui aintaumbau irumu Jesus upisika yepe pão uabensuari ae, asui upartiri ae uxari arama ainta supe ae kuaita umbuewaita, umbeu ainta supe: —Pepisika pembau aete sepira.

Asui upisika kupu umee grasa Deus supe sese Asui umee umbuewaita supe ae umbeu ainta supe: —Peu ae muiri penye.

Asui uyuiri umbuewaita ipiri uwasemu aintaukiri uiku isui, ape umbeu Pedru supe: —Maitaa tipepuderi pesaru seirumu yepe ura?

Kuiri hambeu penye: —Tiana mukuĩsawa hau kuri kua mirá iya yukise senundere hau pisasuwaa peirumu peruixawa irumu kua sepaya.

Asui Pedru umanduari Jesus umbeuwaa ixupe: —Musapiri viaji kuri reyumimi seresewara senundere galu unyengari. Asui Pedru usu ukara kiti uyaxiu kirimbawa.

Kuiri pepuamu yasuana aikuewana kua uxariwaa ixe seruanyana supe.

Asui Jesus umbeu ixupe: —Remuyuiri neespada siru kiti, aintaukanyemu kuri espada irumu panye kuaita umaramunyawaita espada irumu.