Populære bibelvers fra Mateu 24

Del

Aintaumunya kuri aintapuxuwerasawa turusu piri, ape kuri aintakuere aintauyugustari kuaita siyawaita miraita. Maa kua santawaa uiku ate anyu aramawaa upe uyumukaturu kuri.

Aintaurikute aintaumbue kua nyenga purangawaa maye aintaruixawa arama kua Deus panye mundu kiti aintaukuawa arama kuaita miraita panye. Asuiwana kuri upawa kua ara.

Pesendu kuri aintaupurungita kera rese pesendu yuiri aintaumanduari kera, pemaa pesui yawaite maa pesikie nyãse yawe aintaurikute aintaumunya kua mundu upe maa timaare anyu aramawaa ae.

Asui aintaupuamu kuri aintaruaxara aintauyumuruanyana amu miraita ruaxara, yepe guvernu kuri umuruanyana amu guvernu, aintarimbiu upawa kuri, uriri kuri iwi yepeyepe tetama upe. Yawe kuri aintauyupiru aintaupurara.

Aintaupawa kuri panye iwaka panye ara yuiri maa senyenga tikuri upawa.

Aintauri kuri siya serera resete yepe, aintaumbeu kuri, Kristute ixe. Ape aintauganani kuri siya miraita.

Asui aintauxari kuri pepurara, aintauyuká kuri penye, puxi kuri aintaumaa penye serera resewara kuaita mundu puraita panye. Asuiwana aintauwari kuri siya, ape kuri aintaumbeu aintarumuaraita resewara, puxi kuri aintauyumaa. Aintaupuamu kuri siya utitikawaita ugananiwaita aintauganani kuri siya.

Asui Jesus usuaxara ainta: —Pemaa pesui yawaite amu uganani penye.

Yawete penye pesaru kua unaseriwaa umaa kua ara yawewarawate nyãse uri kuri yepe ara tiwa upe pemanduari.

Ape pesaru puranga nyãse tipekuawa mairame uri kua peruixawa.

Maa tiawa ukuawa mairame sangawa nẽ anjuita iwaka upewaita nẽ Deus raira, maa anyunte sepaya ukuawa.

Nyãse aintauri kuri siya ugananiwaita umbeuwaita Kristute ainta, siya yuiri utitikawaita ugananiwaita aintaumunya kuri siya milagri siya yuiri purangawaita tirewaita yamaa sã aintaupuderi rame aintauganani kuaita uparawakawaita.

Kuaye Nue tempu rame yawete yuiri kuri uri rame kuri kua unaseriwaa umaa kua ara. Kuxima senundere parana uwike aintarese anyunte aintaumanduari aintaumbau arama aintauu arama yuiri, aintauyuka aintarimiriku aintauxari aintarayeraita umendari ate Nue uwike batelão upe. Timaa aintaumanduari sese ate parana uwike aintarese urasu ainta panye, yawete yuiri kuri uri rame kua unaseriwaa umaa kua ara.