Populære bibelvers fra Joná 1

Del

To ã nichʉ tʉhorota, to yare cahno bahrañoha Joná. Cahno tuhsʉ, pjiri ma dʉhtʉ cahapʉ jiri maca, Jope wama tiri macapʉ buhaa wahaha tiro. Tí macapʉ buhu sʉ, bʉjʉa bʉso wʉri ti wahã sʉri pitamahapʉ buhaa wahaha. Tí pitamahapʉ to buhu sʉchʉ, tói cʉ̃ria Españapʉ wahahtia pahsaha. España sehe sʉ̃ sãano caha sehe tjuaha. Cohamacʉ Jonáre to warocari maca Nínive sehe sʉ̃ mʉja taro caha sehe tjuaha. Ã jiro Joná sehe Cohamacʉ to warocari macapʉ waha duaeraro, España sehepʉ duhtia waharo nimaha. Ã jiro tia pʉrore niñeru wapa, tiapʉ samuha tiro.

à yoa Jonáre diapʉ ti doca ñori baharo, Yawe sehe tirore wahi pjiriro wʉrʉ chʉnocachʉ yoaha. à yoa Joná sehe wahi wʉrʉ to chʉ sãari wajurupʉ tia dacho, tia ñami cati sãaha.

Ti ã ni sinitu ñʉchʉ, Joná sehe tinare õ sehe ni yʉhtiha: —Yʉ ya buhiri mʉsare õ sehe cuaro waharo nina. Ã jina mʉsa sehe yʉhʉre diapʉ doca ñonocaga. Yʉhʉre mʉsa doca ñochʉ, wihnono wã duhua waha, tuhsʉ, pahcõri wʉri cʉ̃hʉ wahcã duhua wahaahca —ni yʉhtiha tiro tinare.