Populære bibelvers fra Éxodo 4

Del

To ã nichʉ tʉhoro, Yawe sehe tirore õ sehe niha: —Mʉ cuhcuriro jichʉ cʉ̃hʉre, noanohca. Yʉhʉ sehe mʉhʉre yoadohoihtja. Yʉhʉta jija masare dʉsero cjʉaina masa bajuachʉ yoariro. Ã yoa durucuerainare, tʉho sʉinare, tʉho sʉerainare, ñʉ sʉinare, tuhsʉ, ñʉ sʉeraina cʉ̃hʉre yoariro yʉhʉta jija. Ã jicʉ cuiro marieno wahaga. Mʉ wahachʉ, yʉhʉta mʉhʉre mʉ noano durucuhtire yoadohoihtja. Tuhsʉ, mʉ nihti cʉ̃hʉre mʉhʉre yahuihtja —niha Yawe tirore.

To ã nichʉ tʉhoro, õ sehe ni yʉhtiha Moise: —Yʉ Pʉhtoro, cuhcuriro jija yʉhʉ. Ã cuhcuriro jicʉ, noano durucu masieraja yʉhʉ. Mipʉ mʉ yʉhʉ mehne durucuchʉ, ã wahai nieraja. Dóipʉta ã jiriro masa bajua tiri jicʉrʉ yʉhʉ —niha.

To ã ni yʉhtichʉ tʉhoro, Yawe sehe suaa wahaha tiro mehne. Ã suaparota, õ sehe niha tirore: —Jai. Mʉ wahmi Aarõ, “Levita” ni, ti pisuriro, noano durucuriro jira. Tiro mʉhʉre piti bocaro ta tuhsʉre. Piti boca, mʉhʉre ñʉno, tuaro wahcherohca tiro.