Tíre masina, yʉ mʉsare dutihti cjihtire quihõno yoa, yʉhʉre yʉhdʉrʉcaena tjiga. Ã yʉhdʉrʉcaerana, yʉ yaina cjihti jinahca. Jipihti masa curuari macaina yʉ bajuamehneina dihta jira. Ã jicʉ yʉhʉ mʉsa ya curua sehere beseihtja mʉsa yʉ dutihtire mʉsa quihõno yoachʉ. Ã jihtina mʉsa jichʉ, yʉhʉ sahsero mʉsare duti masiihca. Ã jina mʉsa cʉ̃hʉ yʉ dutia dihtare tʉho, yoa mʉjanahca. Ã yoa sacerdotea yʉhʉre dahra cohtaina yoaro sehe jihti curua jinahca mʉsa. Ã jina yʉ ya curua cjihto jinahca.” Ã ni yahuga mʉ masare —niha Yawe Moisere.