Populære bibelvers fra Yohanes 1

Del

Tapi biar bagitu, ada orang yang tarima pa Dia deng percaya pa Dia. Pa dorang itu, Dia kase kuasa supaya dorang jadi Tuhan Allah pe ana-ana.

Dulu skali, waktu dunia ini bolong ada, Tuhan Allah pe Firman itu so ada. Firman itu Yesus suda. Dia itu ada sama-sama deng Tuhan Allah, kong Dia itu suda Tuhan Allah.

Tarang itu yang manyala dalam galap, kong galap tara bisa pele tarang itu pe cahaya.

Tuhan Allah pe Firman itu so jadi manusia, kong Dia tinggal di antara torang. Torang so lia Dia pe kuasa yang hebat, kuasa yang Dia dapa dari Tuhan Allah, Dia pe Bapa, karna Dia itu Tuhan Allah pe Anak. Kong Tuhan Allah pe Anak itu cuma satu itu saja. Dia yang biking torang bole tau yang butul tentang Tuhan Allah deng tentang Tuhan Allah pe sayang pa torang.

Tuhan Allah pake pa Yesus, Firman itu untuk biking samua-samua yang ada. Deng tara ada satu barang yang jadi, kalu Tuhan Allah tara pake pa Dia itu. Dia itu yang kase hidup pa samua-samua yang ada. Kong Dia itu lagi yang kase tarang pa manusia pe hati yang galap supaya dorang bole tau tentang Tuhan Allah.

Dia pe beso, Yohanes lia Yesus sementara datang pa dia. Kong Yohanes bilang pa orang-orang yang ada di situ, “Coba ngoni lia, Dia yang datang kamari itu Tuhan Allah mo kase jadi korban, sama deng domba pe ana yang torang orang Israel biasa kase korban untuk hapus dosa.

Sebenarnya tarang itu dari dulu-dulu so ada di dunia ini. Deng Tuhan Allah pake pa Dia untuk biking dunia ini. Tapi orang-orang di dunia ini tara kanal pa Dia. Dia datang pa orang-orang Yahudi yang satu bangsa deng Dia, tapi dorang tara tarima pa Dia.

Tarang yang butul itu Yesus suda, kong Dia sementara datang di dunia. Dia mo kase tarang samua orang pe hati la dorang bole tau tentang Tuhan Allah.

Memang dari nabi Musa, torang tau Tuhan Allah pe aturan di lima kitab Musa, tapi dari Yesus Kristus, torang bole tau Tuhan Allah pe sayang deng Dia pe ajaran yang butul.