Populære bibelvers fra Maako 13

Del

Nywebo muyoosulaikwa abantu boonse akaambo kazina lyangu. Pele ooyo uukakatila mane kumamanino, uyoofutulwa.

Kamulangisisya, mucenjele, nkaambo tamuzi ciindi eeco niciyoosika.

Nibayoomujata akumutola kucibetekelo, mutakalibiliki kuti, ‘Ino tukaambe buti?’ Casika ciindi canu, amwaambe kufumbwa majwi ngomwapegwa mpoonya aawo. Nkaambo majwi ngomuyooamba taali aanu, muyoopegwa a Muuuya Uusalala wa Leza.

Julu anyika ziyoomana, pele majwi aangu anooliwo akutamani.

“Pele taakwe naba omwe uubuzi buzuba oobo niciba ciindi. Bangelo abalo tabazi, naba Mwanaa Muntu, Taata alikke nguuzi.

Mutakakatazigwi mwaakumvwa kuti kumwi kuli nkondo, nikuba kumvwa mpuwo yankondo kule. Eezi zileelede kucitika, pele takuli kuti ngamamanino aaciindi.

Aboobo anywebo amulangile nkaambo tamuzi ciindi natikaboole mwini ŋanda, antela nkuumangolezya naaba akati kamasiku, naa kubucedo nikuba acipaswido cazuba. Aakuboola cakudunuka, atajani muloona pe. Eezi nzendaamba kulindinywe ndizyaamba kubantu boonse. Kamucenjela akulangisya.”

Cisi ciyoolwana acisinyina, abwalo bwami abwaminyina. Kuyooba kuzungaana kwanyika mumasena aandeene, alimwi kuyooba nzala. Eezi ngamatalikilo buyo aamapenzi.

Makani eeni-eni aleelede kusaanguna kukambaukwa kubantu boonse.

Nkaambo mbanji bayooboola muzina lyangu kabati, ‘Ndendime nguwe!’ Nkaako bayoolubizya banji.

“Nywebo, muleelede kucenjela, nkaambo bantu bamwi bayoomwaanga akumutola kucibetekelo. Bayoomuumina muzikombelo, muyooima kumbele lyababetesi alyabami akaambo kangu, muyoobaambila Makani Mabotu.

Nkaambo kuyooba balyaamba kuti, ‘Ndime Kilisito’ alimwi kuyooba basinsimi babeji. Bayoocita zitondezyo azintu zigambya kuti bakacenge abaabo bantu Leza mbaakasala.

“Mapenzi aalya aakumana, zuba liyoobola, kuyooba mudima mupati, mwezi uyoobola. Nguzu zyakujulu ziyoozungaana, nyenyezi azyalo ziyooloka.