Populære bibelvers fra Mateyo 24

Del

Lino akaambo kakuvula kwabubi, luyando lwabantu banji luyoomana. Pele ooyo uukakatila mane kumamanino uyoofutulwa.

Makani Mabotu aabwami bwa Leza ayookambaukwa munyika yoonse, kuti bukabe bumboni kumisyobo yoonse. Ndendilyo mamanino aaciindi nayoosika.

Muyoomvwa nkondo ampuwo zyankondo, zili kulaale pele nywebo mutakayoowi. Nkaambo eezi zileelede kusaanguna kucitika pele mamanino tanoosikide pe

cisi ciyoolwana acisinyina, abwalo bwami abwaminyina. Kuyooba nzala akuzungaana kwanyika mumasena aandeene. Eezi zyoonse ngamatalikilo buyo aamapenzi aali mbuli aamukaintu wamyongwa.

Julu anyika ziyoomana, pele majwi aangu taakooyoomana pe.

Nkaambo banji bayooboola muzina lyangu kabati, ‘Ndime Munanike ooyo,’ aboobo bayoolubizya banji.

“Eelyo nywebo bayoomunjizya mumapenzi akuyoomujaya. Muyoosulaikwa abantu bamisyobo yoonse akaambo kangu. Muciindi eeco banji bayoosiya lusyomo lwabo. Umwi uyooaba umwi akusulana. Kuyoosika basinsimi banji babeji, bayoosowa bantu banji.

Jesu wakabaingula kuti, “Amucenjele kuti muntu atamweeni.

Nkaako anywebo muleelede kulibambila, nkaambo muciindi nciconya ncomutayeeyi nazoosika Mwanaa Muntu.

Aboobo amucenjele, nkaambo tamuzi buzuba Mwami wanu naboola.

“Pele taakwe naba omwe uubuzi buzuba niciba ciindi. Bangelo abalo tabazi, naba Mwanaa Muntu, pele Taata alikke nguuzi.

Nkaambo kuyooba balyaamba kuti, ‘Ndime Kilisito,’ alimwi kuyooba bamusinsimi babeji! Bayoocita zitondezyo azintu zigambya, kuti naa kakukonzeka bakacenge aabo Leza mbaakasala.

Mbubonya mbuli mbukwakabede mumazuba aa Nowa, akuboola kwa Mwanaa Muntu mbokuyooba. Nkaambo mumazuba aa Nowa maanzi naatakana paya, bakali kulya akunywa akukwata akukwatisyigwa, mane do buzuba oobo Nowa naakanjila mubwato. Taakwe ncibakazi kusikila maanzi naakabalobya boonse. Mbubonya oobo mbokuyooba kukuboola kwa Mwanaa Muntu.