Populære bibelvers fra Kulonga 5

Del

Lino Mozesi alimwi a Aloni bakainka kuli Falo akuyooti, “Mboobu mbwaamba Mwami Leza wa Baisilayeli wati, ‘Kobaleka bantu bangu bainke kuti bakandicitile pobwe lyakukomba munkanda.’”

Kuzwa ciindi ncendakasika kuli Falo kuzooamba muzina lyako, Falo wapenzya bantu bako, alimwi yebo toobavuna bantu bako pe!”

Mpoonya Mozesi wakapiluka ku Mwami Leza akuyooti, “O Mwami Leza, nkaambo nzi ncobapenzya bantu aaba? Sena ncookanditumina eeci?

Pele wakaingula kuti, “Ino nguni Mwami Leza? Nkaambo nzi ncendeelede kumuswiilila akuleka Baisilayeli kuti bainke? Nsimuzi Mwami Leza ooyo, masimpe nsikoobaleka Baisilayeli kuti bainke.”

Pele muleelede kubona kuti kabacuuma mweelwe wazitina uuli mbuli ngobauma lyoonse, mutaucesyi pe. Mbatolo, ncenciceeco ncobalilila kuti, ‘Amutuleke tuunke tukape cipaizyo kuli Leza wesu.’ Amubacite kuti bantu aaba babeleke anguzu kwiinda, mubone kuti kabuujisi mulimo ooyo lyoonse, mutagami kuswiilila kubeja kwabo.”