Populære bibelvers fra Milimo 17

Del

Wakacita oobo kutegwa kuti bakakonzye kumulangaula, kuti ambweni inga balamuziba. Kwalo Leza tali kule kuzwa kuluumwi aumwi wesu pe.

Alimwi kuzwa kumuntu omwe ngwaakalenga, nkukwakazwa misyobo yabantu, akubacita kuti bakkale munyika yoonse. Walo lwakwe mwini nguwakabamba ziindi zyabuumi bwabo ankobayookkala.

Leza ooyu, nguwakalenga nyika azintu zyoonse zili mulinjiyo. Ngo Mwami wajula anyika, nkokuti takkali mumaanda aayakwa amaanza aabantu pe.

Nkaambo Leza ulibambide kale buzuba mbwatizoobeteke nyika yoonse mubululami kwiindila mumuntu ooyo ngwaakasala. Leza wakatondezya kubantu boonse kuti ooyo muntu ngonguwe ngwaakasala nkaambo wakamubusya kuzwa kubafu!”

Lino mbuli mbotuli bana ba Leza, tatweelede kuyeeya kuti Leza ulakozyanyisigwa abaleza bapange bangolida, naa nsiliva, niliba bbwe lyakabezwa cabuuya alimwi akucitwa mumaanu aabantu.