Populære bibelvers fra ROMA 15

Del

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

Srat bokti ei Allah Nihyetti hagom ngginau nye. Lewo Allah Nihyet ningginau nyeti bindei ba, yoom ingon ba, biwin ingon cem. Apino igyok ingon mem Allah.

Handei kon ma Allah di bindei ba, joom jingon bibiwin jingon sindem tut je leu binhyepo jahagom jinok gom bijingon kwes kin yam bit leu nok bindo di Kristus Yesus ndo binye. Tug hon nisinati dima lene jahagom mijicom jihyet nok gom ba, jibinggei sut Allah lewo Noni ne ide Tuhan Yesus Kristus Nicig ri.

Gima rino suar jiba jingon gom biya um yam bit leu nok gi Kristus ya um je. Tug hon nisinati dima ne tungwatu inggei sut Allah.

Noro ma bikwop tungwagom-gom bindei nisut no di ningon jo kep dima ningon llei bibor bimpu noni cem. Tug hon niyai munti dima ne nyeni mibiwin kep ningonti leu binhyepo ba ningon com Tuhan bibor.