Populære bibelvers fra YAKOBUS 1

Del

Disut bat jen, gino mun di buhun di ter leu yam hi gom hi gom cut igkep je lene ma jingon llei sut, lewo jikan tut bipia gino jiba jingon com Allah mem mpe dino mun di buhun cut igkep je lene ningon nddongti ntun him.

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

He disut bat di dingon kieti jen, ma jiyok ngon kep dihyet bipia suar bikwop tungwagom-gom bipbur ba, nitingou dile noro nyohou yai sut nimbrapti. Ma ningon sibui sut tungwatu nya au.

Ma jinyohou jide ningon nddongti kikau ba, ningat ntun him leu binhyepo jimahan ei Kristusti ba, mun di jisuar nya hagom midem mem je.

Suar jibit Allah nicuk jeti lene ma jimiap kep nicuk jeti he au. Leu gi nok lene jiris jenti hak ug.

Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

Mun di kei kin mun di dia-diau nya hagom ntun Allah him bisrek kwei leu Noni. Noni pai tes nipigati nya hagom ei mpia-bbed him. Noni luei ningonti bibindei ba, nidinditi nggai kep tungwatu nya bi.

Tungwa tou rino miap kep nicukti nya he bibit bi ne no dima noyam kin no di ngat ningwes ei kisinati. Noni tou kep ningwes nggilun leu api kes kisina ei bimbut leu lene ningon prion ser ningwes hanyen bu.

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.

Gino mun di buhun di nok gima cut igkep tungwagom lene ma kan bipia mun di bingon noni kwei leu Allah au. Lewo bit bon sisar brim Allah ningon kan bi. Noni sindui sut ba, sisar nibingon tungwatu nyati cut igkep yok bi. Mun di bindei dino tungwagom cut ei sisarti rino ningon pri kep mun di ngat ningwes eisi di srou noni.

Ma no di Kresten di nuhwap mbum ningon llei gino Allah bindei ba, ninyeng jei.