Handei kon ba, Allah di nyeng tut nikei-kau-keisi sindem tut je tug hon Ninnei leu binhyepo jingon mien nddong kei. Handei kon ba, Kristus gwam nyahan ei jingonti tug hon jide niba ningon com Noniti. Ma jicom jigau ei ningon ngakei yamti ba, ningon di ngakei yam mpung ei jingonti, leu binhyepo jeni kin Allah de limwa nindigsi jahagom jinggok tut bijingon dorti tut Kristus ningon ngakei jeti ninyanti kin nijeisi kin nanaisi kin nijutti, di bit bon tungwatu nya ingon dor niti tut tug hon ide ningon kiti kan bi. Handei kon ba, jiya um Allah ningon ngakei jeti ei jingonti leu binhyepo ningon mien paisi mpung bipias hagau ei jingon mienti.