Ma ayok ngon kep bipia son dideu njap ningwig honti nya lene mun di buhun bibor micut igkep tungwatu nya. Mpe dima lene tungwatu nya idrui bou ngwak cem ingat ingwes ei mitieiti cem inggei-nggwang cem illei-lau cem ighyet tigut yam cem isrep tut icig bat-ipmem bat nya ighyet cem ipai sigyo kan bi cem isingat bi cem, ingondut yam cem bi ikos ser mun di igyai tunggwei sut yam biyam cem bi ikkin kep yam nghapti cem yoom kep ingonti kan bi cem iten-pos cem ingon mpo tut mun di kei hagom cem, ibakilak yam cem ibon mun kindi-kindok cem ingon jei bibor cem ikes Allah ei leu ba, yuhuk bram mun di ingat ingwes eisi nya cem. Mbro nok gino ipai sut yonti bipia ingon jo kep tu lo, igyai munti nya srep tut ba, ide ningon jo kepti dima ne ningon jo kepti di nitrowai he ri. Ma ambres nanti leu yo dima.