Populære bibelvers fra KORINTUS GI NICAN 5

Del

Tungwa tou rino nok gom kin Kristus tu lene no dima nok tungwatu di nijep-jau bu. Ba, niyaijoti nitimiei pror leu su leu api niyaijoti di nijep-jau luei bu.

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

Lewo igyaijoti dini ntun ide niba ningon com Kristusti him noro ntun mun di ingat bou igyai him bi.

Allah bibon mun dini yok hagom. Nipou ne iba nitok bak Allah noro Kristus yai ingon kwes kin Allah hanyen. Ba, Noni bon nituti mem hiter igyai ingon kwes kin Noni hanyen tug hon midyai di Noni kes ei nyeni dip. Nitri tut bipia Allah yai tungwatu yahagom ingon kwes kin Noni hanyen tug hon Kristus. Noni kwop kep ide sisar di ibon tunggwei sut Noni bu bi. Leu api Allah kes midyai nitri tut ningon kwes kin Noniti hanyen ei nye dip tu.

Nyeni niya luei Kristus di cuk nye nohoti tereu nok Allah Nonti sok nihyet ei nye dip bak tungwatu nya. Nitigtai je tug hon Kristus ninyeng leu binhyepo jisindui sut ba, Allah yai jingon kwes kin Noni hanyen.

Kristus mai biya luei tungwatu yahagom leu binhyepo yo di igyai niyaijo nijep ibrim ingkek mem ingut kanti nya bu bi noro mem Kristus di mai leu api Allah win Noni hanyen leu nimai eisi mem yok. Gima rino niyok niyai kep tungwatu nya bit leu tungwatu dihyeisi dini igyai kepti nya bi. Mbro nok gino niyok niyai kep Kristus bit leu tungwatu dihyeisi igyai kepti nya nipou su lo, niyai nok gima bu bi.

Kristus ningon ngakei nyeti ninyeng tak kep niyai munti nya. Ba, nikan tut bipia tungwagom ngat mai biya luei nindigsi nya yahagom. Gini ndo bipia yahagom imai ei ide sisarti tu.