Populære bibelvers fra VAROMA 10

Del

Niiva unyala khwiyema mulilomoloma liolio ndi Yesu neye Mwami, nu khusuuvila ndi Nyasaye neye wamwisimushitsa khurula mu likhutsa, uliitsa khuhonyinywa.

Mundu asuuvilanga mu mwoyo kwekwe, nu khukholwa khuva wi likhola liu vulunji imbeli wa Nyasaye; yiyemanga mulilomoloma lielie nu khuhonyinywa.

Khulwa yako, lisuuvila lirulananga khu likhuva limali khuhulilwa, khandi likhuva liahulilwa linyolekhanga khurulana khu milwatso khulondokhana khu Kristo.

Mahandiko Matakatifu kavoolanga, “Mundu avulakhuho usuuvilanga muye, uliitsa khuheelwa tsisoni.” Vwavukhani vuvulakhuho hakari wu Muyahudi nende Muguriki; Mwami mulala mwenoyo neye Mwami wa voosi, khandi akasitsanga mu vunyishi vandu vasaalanga khuye. Khuli Mahandiko Matakatifu kavoolanga, “Shia mundu wosi usaalanga khuvirila khu lira liu Mwami, aliitsa khuhonyinywa.”

Vandu vakhanyala ndina khwilwatsa, nivashili khurumwa? Khuli Mahandiko Matakatifu kavoolanga, “Ni likhuva liu khuyaanzitsa, lwa vandu vavetsanga nivakhitsa khwilwatsa Ivanjeli!”

Navutswa vandu vakhanyala ndina khusaala khuye avakhonye, navo nivakhasuuvila muye tawe? Vakhanyala khusuuvila ndina mu likhuva lia woyo wa vashili khuhulila? Vakhanyala khuhulila ndina mu likhuva lia mwilwatsi ashili khuvilwatsila?

Kristo neye limalilikha lia malako, khu mundu uliitsa khusuuvila muye alikholwa khuva wi likhola liu vulunji imbeli wa Nyasaye.