Populære bibelvers fra MATAYO 5

Del

Mundu avulakhuho uhaambitsanga itaaha khandi akhunikhakhu muhinda; navutswa achirenjekhanga khu shikuru shi itaaha, ha yashilanga vulavu khu vandu voosi vali munzu. Muleshe vulavu vwenyu vwashe khu vandu, khu valole vikholwa vienyu vilahi nu khwitsominya Tata wenyu uli mwikulu.

“Munyi muli khuli vulavu vwa vandu voosi mu shivala. Litaala likali liumbakhwa khu shikulu shilinyala khuviswa tawe.

“Vali ni ikhaavi yavo vali vanihu mu mwoyo; shichila valiitsa khulola Nyasaye!

“Vali ni ikhaavi yavo vali ni inzala nu vuluhu vu khukhola ku vulunji; shichila valiitsa khwikuritswa!

Navutswa muvoolelanga nunundi ndi muyaanze vatsiku venyu, khandi musaalilikhu vandu vamutambitsanga

“Vali ni ikhaavi yavo vali vamanani mu roho, shichila Vwami vu mwikulu nu vwavo!

“Vali ni ikhaavi yavo valeranga milembe; shichila valiitsa khulaangwa vaana va Nyasaye!

“Vali ni ikhaavi yavo vikhulanga; shichila Nyasaye aliitsa khuvaleminya mwoyo.

“Vali ni ikhaavi yavo vatambitswangwa shichila vakholanga ku vulunji, Vwami vu mwikulu nu vwavo!

“Vali ni ikhaavi yavo vavelelanga vandi tsimbavasi, shichila Nyasaye aliitsa khuvalolela tsimbavasi!

“Muli ni ikhaavi munyi lwa vandu vamunyekanga nivamutambitsa, nivavoola vindu vitamanu khulondokhana khu munyi shichila muli valondi vaanje. Khulwa yako, muve nu vuyaanzi numusangala, shichila mwavishilwa mwikulu murungu mukali. Nindio khandi vatambitsanga vaprofeti valiho imbeli wenyu.

“Vali ni ikhaavi yavo vichehitsanga, shichila valiitsa khunyola miandu chiu khulilova.

“Munyi muli khuli munyu kwa vandu voosi mu shivala; navutswa niiva munyu kwakoritsa shinochi shiakwo, kwakhakholwa kurina khuva munyu khandi? Shiukunyala khurumishilwa tawe, navutswa kusiuvwangwa ilwanyi, ma vandu vakuseneela hasi.

Khulwa yako, muve vaseletse, khuli Tata wenyu uli mwikulu ali museletse.

Leshi koosi ka uvoolanga kave vutswa, ‘Mbuchilile’ inoho ‘Nzambakhane’ -- shindu shindi shiosi shia muvoolanga shirulanga khu Mutamanu Woyo.

“Mwahulila ndi kavoolwa, ‘Imoni khu imoni, khandi linoo khu linoo.’ Navutswa muvoolelanga nunundi ndi uvuli khuvanzila mundu wosi wu khuvakholelanga shindu shitamanu. Niiva mundu aliitsa khumusamula lukhovi khuluseye lusatsa, muhe asamuli luseye lundi khandi.

Niiva imoni yoyo isatsa iliitsa khuchila ukhole vwoni, chisomole uchisiuvi ihale wene. Nu vulahi muno khukoritsa shivelo shilala shiu mmbili kwokwo, khuvira mmbili kwokwo kwosi khusiuvwa mu shihatisi. Niiva mukhono kwokwo musatsa kuliitsa khuchila ukhole vwoni, kukutuule ukusiuvi ihale wene! Nu vulahi muno khukoritsa luvalu lulala lu mmbili kwokwo khuvira mmbili kwokwo kwosi khusiuvwa mu shihatisi.