Populære bibelvers fra Yohani 16

Del

Nimibzelile svilo lesvi lesvaku miva ni kurhula ka mina. La misaveni, mitava ni mahlomulu, kambe tiyani timbilu, nihlulile misava.”

Kambe loko yena ata, anga Moya wa ntiyiso, atamifambisa ndleleni hinkwayu ya ntiyiso; hikuva angakala angavulavuli svohuma ka yena; kambe xin'wana ni xin'wana lexi axitwaka, ataxivula; nasvona atamitivisa lesvi svingatata.

Kufika svosvi, amisikombela nchumu hi vito ra mina; kombelani, mitanyikiwa, lesvaku kutsaka ka n'wina kuva loku kuhetisekeke.

Hambi svilitano, namibzela ntiyiso: Svitava svinene ka n'wina loko nifamba. Hikuva loko ningafambi, Muchaveleli angakala angati ka n'wina; kambe loko nifamba, nitamurhumela ata ka n'wina. Loko ata, atakholwisa misava hi ta kujoha, ni kululama, ni kuyavanyisa

Svitano na n'wina: Mitwa kuvaviseka svosvi, kambe nitatlhela nimivona, kutani timbilu ta n'wina titatsaka, kutani aku na munhu lweyi angatamitekela kutsaka ka n'wina. “Hi siku rakona, amingahanivutisi nchumu. Nitiyisisile nili ka n'wina: Hinkwasvu lesvi mingatasvikombela ka Tatana hi vito ra mina, ataminyika svona.

Nitiyisisile nili ka n'wina: Mitarila miva mikolola, kambe misava yona yitatsaka; mitatwa kuvaviseka, kambe kuvaviseka ka n'wina kutahundzuka kutsaka.