Populære bibelvers fra AROMA 5

Del

No rĩrĩ, ũndũ ũrĩa Ngai onanĩtie ũtwendi wake naguo-rĩ, nĩ ũyũ, atĩ Kristo aatũkuĩrĩire rĩrĩa twatũire tũrĩ o ehia.

naguo wĩrĩgĩrĩro ũcio ndũngĩgatũma mũndũ akehokokwo, nĩ gũkorũo wendani wa Ngai nĩũitĩrĩirũo ngoro-inĩ ciitũ nĩ ũndũ wa gũikarũo nĩ Roho Mũtheru ũrĩa twaheirũo.

Ningĩ to ũguo wiki, no rĩrĩ, o na kwĩraha nĩtwĩrahagĩre maũndũ marĩa tuonaga ma thĩna, tũkĩmenyaga atĩ kuona thĩna gũtũmaga tũgĩe na kũũmĩrĩria, nakuo kũũmĩrĩria kũu gũtũmaga tũgĩe na gwĩkindĩra, naguo wĩkindĩru ũcio ũgatũma tũgĩe na wĩrĩgĩrĩro

NĨ ũndũ ũcio-rĩ, kuona atĩ nĩtũtuĩtwo athingu nĩ ũndũ wa gwĩtĩkia-rĩ, nĩtũikarage o tuiguaine na Ngai nĩ ũndũ wa kũiguithanio nake nĩ Mwathani witũ Jesu Kristo, o ũcio ningĩ watũmire twĩtĩkĩrio tũkinye Wega-inĩ wa Ngai, o harĩa tũrũngiĩ rĩu, na njĩra ĩo ya wĩtĩkio; na nĩtũkĩĩrahagĩre wĩrĩgĩrĩro ũrĩa twĩ naguo wa gũgakinyĩra riri wa Ngai.

Amu-rĩ, hĩndĩ ĩrĩa twatũire twagĩte hinya-rĩ, o ihinda rĩrĩa rĩaagĩrĩire rĩakinya, Kristo nĩaakuire ithenya rĩa andũ othe matatĩaga Ngai.

Na rĩu, kuona atĩ nĩtũrĩkĩtie gũtuwo athingu nĩ ũndũ wa thakame yake-rĩ, makĩria o na kũhonoka tũkahonoka kwĩ marakara ma Ngai nĩ ũndũ wake.

Amu-rĩ, o ta ũrĩa kũrema kwa mũndũ ũmwe gwatũmire andũ aingĩ matuwo ehia, no taguo gwathĩka kwa ũrĩa ũmwe kũrĩtũmaga andũ aingĩ matuwo athingu.

Na to ũguo wiki, no ningĩ nĩtwĩrahaga nĩ gũkenera Ngai, nĩ ũndũ wa ũrĩa tũgunĩtwo nĩ Mwathani witũ Jesu Kristo, arĩ we ũtũmĩte rĩu tũgĩe na ũiguithanio ũcio.