Populære bibelvers fra KŨGUŨRĨRIO 9

Del

Nao andũ arĩa maatigarire, arĩa mataigana kũũragwo nĩ matũhũhũ macio, matiigana kwĩrira nĩ ũndũ wa mawĩra ma moko mao, matigage kũhoya ndaimono, na mĩhianano ĩrĩa ya thahabu, na ya betha, na ya rũthuku, na ya mahiga, na ya mĩtĩ, ĩrĩa ĩtangĩhota kuona, kana ĩigue, kana ĩĩtware; o na ningĩ matiigana kwĩrira nĩ ũndũ wa ũũragani wao, kana ũrogi wao, kana ũmaraya wao, o na kana ũici wao.

Na thĩinĩ wa ndogo ĩo gũkiuma ngigĩ, ikĩgũaga thĩ; nacio ikĩheo hinya, o ta ũrĩa tũnyamũ twa gũkũ thĩ tũrĩa twĩtagwo tũng’aurũ twĩ na hinya. Nacio ikĩĩrũo itikehie nyeki ya thĩ, kana o kĩndũ o gĩothe kĩruru, kana mũtĩ o na ũrĩkũ, tiga o andũ arĩa matarĩ na rũũri rũa Ngai mathiithi mao.

NAKE mũraika wa gatano akĩgambia coro, ngĩkĩona njata yumĩte igũrũ ĩkagũa thĩ; nake, njata ĩo, akĩnengerũo kĩhingũro kĩa irima rĩrĩa rĩtarĩ gĩturi.

Ikĩheo watho atĩ acio itikamorage, no atĩ manyariragwo mĩeri ĩtano; naruo ruo rũacio rũatariĩ ta ruo rũa kang’aurũ karathĩte mũndũ.

Ĩĩ na mũthamaki ũciathaga, na nĩwe mũraika wa kũrĩa kũriku gũtarĩ gĩturi; rĩĩtwa rĩake na Kĩhibirania nĩ Abadoni, ningĩ na Kĩyunani etagwo Apolioni.