Populære bibelvers fra KŨGUŨRĨRIO 7

Del

Thutha wa maũndũ macio ngĩrora, ngĩona atĩrĩ, gwĩ kĩrĩndĩ kĩingĩ mũno, gĩtangĩgereka nĩ mũndũ, kĩa andũ moimĩte ndũrĩrĩ-inĩ ciothe, na marĩ a mĩhĩrĩga yothe na nduka ciothe o na mĩario yothe, marũgamĩte mbere-inĩ ya gĩtĩ kĩrĩa gĩa ũthamaki na mbere ya Gatũrũme, mehumbĩte nguo njerũ ndaya, na me na makĩndũ moko

na nĩ kwanĩrĩra maanagĩrĩra na mũgambo mũnene, makoiga atĩrĩ, Kũhonokania nĩ kwa Ngai witũ ũrĩa ũikarĩire gĩtĩ gĩa ũthamaki, na gwa Gatũrũme.

nĩ gũkorũo Gatũrũme karĩa ge gĩtĩ-inĩ gĩa ũthamaki gatagatĩ egũtũũra arĩ o mũrĩithi wao, amatongoragie amakinyagie ithima-inĩ cia maĩ marĩa ma muoyo; nake Ngai nĩekũmagiria maithori mothe mathire maitho mao.

Nĩkĩo rĩu maikaraga mbere-inĩ ya gĩtĩ gĩa ũthamaki kĩa Ngai; na nĩ kũmũtungatĩra mamũtungatagĩra mũthenya na ũtukũ thĩinĩ wa hekarũ yake; nake ũcio ũikarĩire gĩtĩ gĩa ũthamaki egũtũũra aarĩte hema yake igũrũ rĩao. Nao matirĩ hingo magacoka kũhũta, kana macoke kũnyota; o narĩo riũa rĩtirĩ hingo rĩkamacina, kana ũrugarĩ mũnene o na ũrĩkũ

akiuga atĩrĩ, Mũtikehie thĩ, kana iria, kana mĩtĩ, kinya tũkorũo tũrĩkĩtie gwĩkĩra ndungata cia Ngai witũ rũũri mathiithi mao. Na nĩndaiguire mũigana wa acio mekĩrirũo rũũri, na nĩ ngiri igana rĩa ngiri mĩrongo ĩna na inya, arĩa mekĩrirũo rũũri a mĩhĩrĩga yothe ya ciana cia Isiraeli.