Populære bibelvers fra MATHAYO 5

Del

Ningĩ andũ matiakagia tawa, na macoke kũũkunĩkĩria na irebe, no kũiga maũigaga igũrũ handũ haguo, naguo ũgatherera andũ othe marĩ nyũmba. O ũguo noguo na inyuĩ rekei ũtheri wanyu ũtheragĩre andũ, nĩguo mone ciĩko cianyu njega, na magoocage Ithe wanyu ũrĩa wĩ Igũrũ.

Nĩ inyuĩ ũtheri wa thĩ. Itũũra rĩrĩa rĩakĩtwo kĩrĩma igũrũ rĩtingĩhithĩka.

Gũkena-rĩ, nĩ arĩa mateciragia ũũru ngoro, nĩ gũkorũo nĩmakona Ngai.

Gũkena-rĩ, nĩ arĩa mahũtagĩra maũndũ marĩa ma ũthingu, na makamanyotera, nĩ gũkorũo nĩmakahũnio.

no niĩ ngũmwĩra atĩrĩ, Endagai andũ arĩa marĩ muku na inyuĩ, na mũhoyagĩre arĩa mamũnyariraga

Gũkena-rĩ, nĩ arĩa matarĩ na mwĩgatho, nĩ gũkorũo ũthamaki wa Igũrũ nĩ wao.

Gũkena-rĩ, nĩ ateithũrani, nĩ ũndũ nĩmagetagwo ariũ a Ngai.

Gũkena-rĩ, nĩ arĩa marĩ na kĩeha, nĩ gũkorũo nĩmakaninĩrũo kĩeha.

Gũkena-rĩ, nĩ arĩa manyarirĩtwo nĩ ũndũ wa maũndũ marĩa ma ũthingu, nĩ gũkorũo ũthamaki wa Igũrũ nĩ wao.

Gũkena-rĩ, nĩ arĩa maiguagĩra andũ tha, nĩ gũkorũo nĩmakaiguĩrũo tha.

Gũkena-rĩ, nĩ inyuĩ hĩndĩ ĩrĩa andũ makamũruma, na mamũnyarire, na mamũigĩrĩre maũndũ moru ma mĩthemba yothe nĩ ũndũ wakwa. Kenai na mũcanjamũke, tondũ igai rĩanyu nĩ rĩnene kũrĩa Igũrũ; nĩ ũndũ ũguo no taguo anabii arĩa maarĩ mbere yanyu maanyariragwo.

Gũkena-rĩ, nĩ arĩa ahoreri, nĩ gũkorũo nĩmakagaya thĩ.

Nĩ inyuĩ cumbĩ wa thĩ: no rĩrĩ, cumbĩ ũngĩkorũo ũthirĩte mũcamo waguo-rĩ, wacoka gũcamithio ta cumbĩ na kĩ? Ndũrĩ bata o na wa kĩ, no gũteo ũteo na ũrangwo nĩ andũ.

Tondũ ũcio na inyuĩ no mwagĩrĩre kũna ta ũrĩa Ithe wanyu wĩ Igũrũ agĩrĩire kũna.

No mũkĩaria-rĩ, ugagai ũũ, Ĩĩ-ni, ĩĩ-ni; Aca, aca: na ũrĩa ũkĩrĩte ciugo icio uumĩte kũrĩ ũrĩa mũũru.

Nĩmũiguĩte atĩ nĩkweranirũo ũũ: Riitho riumage riitho, o na igego riumage igego; no niĩ ngũmwĩra atĩ, mũtikagiane na mũndũ ũrĩa mũũru; no rĩrĩ, mũndũ wa gũkũgũtha rũthĩa rũa ũrĩo, mũhũgũkĩrie rũu rũngĩ naruo.

Na rĩrĩ, kũngĩtuĩka atĩ riitho rĩaku rĩa ũrĩo nĩ rĩa gũkũhĩngithia, rĩkũũre, ũrĩte; nĩ gũkorũo nĩ kaba kĩĩga kĩmwe kĩa mwĩrĩ waku kĩũre, kwĩ mwĩrĩ waku wothe ũikio Jehanumu-inĩ. Na kũngĩtuĩka atĩ guoko gwaku kwa ũrĩo nĩ gwa gũkũhĩngithia, gũtinie, ũgũte, nĩ gũkorũo nĩ kaba kĩĩga kĩmwe gĩaku kĩũre, kwĩ mwĩrĩ waku wothe ũtwarũo Jehanumu-inĩ.