Populære bibelvers fra ATŨMWO 3

Del

Nĩ ũndũ ũcio-rĩ, wĩrirei na mũgarũrũke, nĩ getha mehia manyu marihũrũo, na hacoke hagĩe mahinda ma kũrurumũkio moimĩte kwĩ Mwathani

Nake Petero akĩmwĩra atĩrĩ, Betha na thahabu-rĩ, hatirĩ ndĩ nacio, ĩndĩ kĩrĩa ndĩ nakĩo nĩkĩo ngũkũhe. Atĩrĩ, thĩinĩ wa rĩĩtwa rĩa Jesu Kristo wa Nazarethi, wĩtware.

Akĩmũgwata guoko kwa ũrĩo akĩmũũkĩria; na kahinda o kau makinya o na thũng’wa cia magũrũ make ikĩgĩa na hinya. Nake akĩguthũka akĩrũgama akĩambĩrĩria gwĩtwara; agĩtonya hekarũ hamwe nao etwarĩte, akĩrũũgarũũgaga na akĩgathaga Ngai.

Na tondũ wa gwĩtĩkia rĩĩtwa rĩake-rĩ, rĩĩtwa o ro rĩu nĩrĩo rĩatuma mũndũ ũyũ agĩe na hinya, o ũyũ mũkuona na mũmũũĩ: naguo wĩtĩkio ũrĩa uumanĩte na Jesu, nĩguo watũma mũndũ ũyũ aheo ũgima ũyũ wothe wa mwĩrĩ, inyuothe mũkĩĩonagĩra.