Populære bibelvers fra 2 ATHESALONIKE 2

Del

Menyai mũkahenio nĩ mũndũ na ũndũ o na ũrĩkũ; nĩ gũkorũo mũthenya ũcio ndũgakinya, ũhoro ũrĩa wa ngariũkũ ũtaambĩte gũkinya, o nake mũndũ ũrĩa mũregi watho ataanaguũranĩrio, o ũcio mwana wa kũũra

No rĩrĩ, nĩtwagĩrĩirũo nĩ gũcokagĩria Ngai ngatho hingo ciothe nĩ ũndũ wanyu, inyuĩ ariũ a Ithe witũ mwendetwo nĩ Mwathani, nĩ ũndũ wa ũrĩa Ngai aamũthurire kuuma o kĩambĩrĩria, nĩguo mũtuĩke andũ a kũhonokio nĩ ũndũ wa gũtherio nĩ Roho, o na gwĩtĩkia ũhoro-wa-ma.

ũrĩa ũreganaga na ũndũ o wothe wĩtanĩtio na Ũngai, o na kana kĩndũ o gĩothe gĩturagĩrio ndu gĩkahoyũo, agĩĩtũũgĩragia aciũkĩrĩre; agagĩkorũo aikaire thĩ hekarũ-inĩ ya Ngai, agĩĩtuaga we mwene atĩ nĩwe Ngai.

Na rĩu-rĩ, Mwathani witũ Jesu Kristo we mwene, nake Ngai Ithe witũ, we ũtwendete na agatũũmĩrĩria na ũũmĩrĩru ũrĩa ũtathiraga, o na agatũhe kĩĩrĩgĩrĩro kĩega na ũndũ wa Wega wake-rĩ, aromũũmĩrĩria ngoro, na arotũma mũikarage mũrũmĩte wega ũhoro-inĩ wa ciĩko o na ciugo iria ciothe njega.

Na tondũ ũcio Ngai amarehithagĩrie ũndũ wĩ na hinya wa kũhĩtithania, nĩ getha metĩkie mathara

Nake ũcio mũregi watho nĩagoka kũringana na ũrĩa Shaitani agakorũo amũhotithĩtie gũũka, agĩũke arĩ na ũhoti wothe, na ciama, o na morirũ ma kũhenania, ningĩ oke na wara wothe ũtarĩ wa ũthingu, nĩguo ahenie na maũndũ macio andũ arĩa marĩ njĩra ya kũũra; na gĩtũmi nĩ tondũ matiigana gwĩtĩkĩra kwenda ũhoro-ũrĩa-wa-ma, nĩguo mahonokio.

Nĩ gũkorũo ũhoro wa hitho ũrĩa wa kũrega watho nĩũraruta wĩra waguo o na rĩu: ĩndĩ nĩkũrĩ ũmwe ũgiragia ũhoro ũcio woneke rĩu, o nginya rĩrĩa agakorũo eheretio.