Populære bibelvers fra 2 AKORINTHO 4

Del

Tondũ tũtũũraga tũtacũthagĩrĩria maũndũ marĩa monekaga, tiga marĩa matonekaga; nĩ ũndũ maũndũ marĩa monekaga no ma ihinda, ĩndĩ marĩa matonekaga nĩ ma gũtũũra tene na tene.

Hakĩrĩ ũguo-rĩ, tũtirĩ hingo tũũragwo nĩ hinya ngoro. Ĩndĩ-rĩ, o na gwatuĩka atĩ mũndũ witũ ũrĩa wa na igũrũ athiaga o akĩbuthaga-rĩ, mũndũ ũrĩa ũngĩ wa na thĩinĩ athiaga o akĩerũhagio mũthenya o mũthenya. Nĩ gũkorũo maũndũ maya mahũthũ tũthĩnagio namo rĩu, ma kahinda kanini-rĩ, nĩmo matũmaga tũreherũo o makĩria o makĩria riri mũnene mũno ũtarĩ hingo ũgathira.

Nĩ kũhatĩkwo tũhatĩkagwo na mbarĩ ciothe, no tũtihingĩrĩirio; tũrigagwo nĩ ũrĩa tũgwĩka, no ti nginya tũũme tha; tũthingatagwo, no tũtitiganĩirio; kũrũndwo nĩtũrũndagwo na tũtininwo biũ

No rĩrĩ, kĩgĩĩna kĩu kĩĩ bata ũguo-rĩ, tũtũire nakĩo ta arĩ nyũngũ ya rĩũmba tũgĩkuuĩte nayo, nĩ getha kũmenyeke atĩ ũhoti wakĩo ũrĩa mũnene, ũguo ũkĩrĩrĩirie-rĩ, uumaga kũrĩ Ngai, nduumaga kũrĩ ithuĩ.

nĩo arĩa matetĩkĩtie, arĩa matumumarĩtio meciria mao nĩ ngai ĩrĩa ya gũkũ thĩ, nĩ getha ũtheri wa Ũhoro-ũrĩa-Mwega wa riri wa Kristo, o we ũrĩa ũrĩ mũhianĩre wa Ngai, ndũkae kũmaarĩra.

Tondũ Ngai, ũrĩa woigire atĩ, Ũtheri nĩware uumĩte nduma-inĩ, nĩwe waarire ngoro-inĩ ciitũ nĩ getha tuonanagie ũtheri wa kũmenyithia andũ riri wa Ngai, o riri ũcio wonekete ũthiũ-inĩ wa Jesu Kristo.