Populære bibelvers fra Mezali 3

Umutumainie Yawe kwa moyo wako wote, wala usitegemee akili zako mwenyewe. Umutambue Mungu katika kila kitu unachofanya, naye atasawanisha njia zako.

Usijione wewe mwenyewe kuwa mwenye hekima; umwogope Yawe na kujiepusha na uovu.

Umuheshimu Yawe kwa mali yako, na kwa malimbuko ya mazao yako yote. Kwa hiyo gala zako zitajaa ngano, na mitungi yako itafurika na divai mupya.

Wema na uaminifu zisitengane nawe. Uvifunge katika shingo lako; uviandike ndani ya moyo wako.

Mwana wangu, usizarau azabu ya Yawe, wala usiuzike kwa maonyo yake; maana Yawe anaonya yule anayemupenda, kama vile baba anavyomwonya mwana wake mupenzi.

Mwana wangu, usisahau mafundisho yangu, lakini kwa moyo wako ushike amri zangu. Maana vitakupa wingi wa siku, maisha marefu na fanaka kwa wingi.

Heri mutu anayetambua hekima, mutu yule anayepata ufahamu. Hekima ni bora kuliko feza, ina faida kuliko zahabu. Hekima ni ya maana sana kuliko mawe ya bei kali, hakuna kitu unachotamani kinachoweza kulingana nayo.

Usimunyime mutu anayehitaji musaada, ikiwa una uwezo wa kufanya hivyo.

Kwa hekima Yawe aliweka misingi ya dunia, kwa akili aliziimarisha mbingu.