Populære bibelvers fra Genesisi 27

Del

Txizimu txi na ku nisela mwando wa nzumani, txi kuninga mafu o nona; ni kupfuna ka fulaho ni vhinya. Vathu va na kuthumele, mifumo yi na khizame masoni kwako. Maha mfumeli wa vananu, va na khizame masoni kwako vanana va mame wako. A na ruketelwe awule a no kuruketela, a na katekiswe awule a no kukatekisa.”

Sekoko Esawu a to engeta, a txi khene: “Kha ditshuri, ngu tona tiya va nga mraya ngu tona ditina daku i Jakobe, nguko se nda wumbidi a txi ni dyelela. Kukhata a tekile wutiwula wangu, se konkuwa a tekile txikatekiso txangu.” Se a txi sanzekela mapswi a ku khene: “Ina khwa ni siyela ni txa tximwetxo txikatekiso kani?”

Sekoko tate wa kona Isaake a to mxamula, a txi khene: “Wona taku m'ti wako wu na va wu di kule ni kunona ka mafu, wu si mani mwando wa nzumani. Awe u na hanya ngu ditxhari dako, u na thumela mnanda wako. Ku na maheka taku, mbimo yi u no ti txhatxhisa, sekoko u na funya dikange thamoni kwako.”

Esawu a to khene ka tate wakwe: “Ina njikatekiso tximwetxo dwe u ku natxo, kani tata? Tata, ni katekise nani!” Esawu a to peka huwa, a txi dila.