Populære bibelvers fra Utu 3

Del

Mdala peauweni mkongo wula unamatunda gabwina kwa chakulya, na kwa kulolekana unyambili, na wabwina kwa kuleta umanya, ndi akayava litunda laki, akalya na akampela na mngwana waki mweavii naku, mewawa na mwene akalya.

Nambu, pagati ya vinyama vyeawumbili Chapanga liyoka lavi lichenjelanu neju kuliku vinyama vingi vyoha vya kudahi. Ndi liyoka likamujovela mdala mwenuyo, “Wu, Bambu Chapanga ajovili, ‘Katu mukoto kulya matunda ga mkongo wowoha wa mulidimba?’ ”

Yati nivika ulikoko pagati yaku na mdala, na pagati ya chiveleku chaku na cha mdala, mwene yati akubonde mutu waku na veve yati ukumukong'onda chinjekenjeke.”

Kangi akamjovela mdala, “Yati nikuyonjokesela lipyanda laku la kuveleka, kwa mvinisu yati uveleka vana. Mewawa yati wigana kuvya na mngwana waku lukumbi lwoha na mwene yati akutalalila.”

Kwa mwasi waku yati ukuyikita ndima yikupela chakulya, mbaka peukuyiwuyilayi ndima yeuhumalili, muni veve ndi ludaka na muludaka yati wiwuya.”

Kangi akamjovela Adamu, “Ndava muni umuyuwani mdala waku, ukalya matunda ga mkongo wenikubesili ukoto kulya, kwa kubuda kwaku ndima yipewi likoto ndava yaku. Yati wipata chakulya chaku kwa mwasi, magono goha ga wumi waku.

Bambu Chapanga akakota, “Yani mweakujovili kuvya veve uvi waka. Wu ulili matunda genikujovili ukoto kulya?”

Peamalili kumvinga Adamu mulidimba, akavika chiumbi chechivi na magwaba chechikemelewa kelubi upandi welihumila lilanga wa lidimba la Edeni chechikamwili upanga wa motu weutindila pandi zoha, kuyiyangalila njila yeyihamba kumkongo wa wumi.

Adamu akampela mdala waki lihina “Eva,” Ndava muni ndi mau wa vandu voha.