Populære bibelvers fra Alo 4

Ndaakwatwa nĩ nzika sya kũlea kũĩkĩĩa kĩu Ngai wamwathie, ĩndĩ mũĩkĩĩo wake nĩwaendeeie kwĩthĩwa wĩ mũlũmu, akĩmũkumya Ngai. Nĩweesĩ nesa kana Ngai nũtonya kwĩka kĩla wathanĩte.

o tondũ Maandĩko Matheu maĩtye, “Nĩnakũtw'a ĩthe wa mbaĩ mbingĩ.” Avalaamu nĩwe ĩthe waitũ methonĩ ma Ngai ũla we waĩkĩĩie, nake nĩ Ngai ũla ũsyũkasya akw'ũ na wũmbaa syĩndũ ila itaaĩthĩwa.

Ngai amũnenganie Yesũ akw'e kwondũ wa naĩ sitũ, na amũthayũũkya nĩ kana tũtuwe kwĩthĩwa alũngalu.

Avalaamu e na wĩkwatyo nĩwaĩkĩĩie vandũ vataĩ wĩkwatyo, kana akeethĩwa ĩthe wa mbaĩ mbingĩ o tondũ watavĩtw'e akewa atĩĩ, “Nzyawa syaku ikeethĩwa syĩ mbingĩ ta ndata sya matunĩ.”

Kwoou watho wa Ngai waendanasya na mũĩkĩĩo nĩ kana wosawe ta mumo kuma kwa Ngai, na ũnenganĩtwe kwa nzyawa syonthe sya Avalaamu: Tyo kwa ala maatĩĩaa Mĩao, ĩndĩ o na kwa ala maĩkĩĩaa ta Avalaamu. We nĩ ĩthe waitũ ithyonthe

“Nĩ aathime andũ ala Ngai ũmaekeete mavĩtyo moo, na akamavetea naĩ syoo! Nĩ mũathime mũndũ ũla Mwĩai ũtaendeeaa kũmũtalĩla naĩ syake!”

Maandĩko Matheu maasya, “Avalaamu nĩwamũĩkĩĩie Ngai, na kwondũ wa ũu Ngai amũtw'ĩĩa kwĩthĩwa mũlũngalu.”