Populære bibelvers fra Alo 10

Ethĩwa ũkakũsĩĩa na kanyw'a waku kana Yesũ nĩ Mwĩai, na ũyĩĩkĩĩa na ngoo yaku kana Ngai nĩwamũthayũũkisye kuma kwa akw'ũ, ũkatangĩĩwa.

Nũndũ mũndũ aĩkĩĩaa na ngoo na aitw'ĩkĩthw'a mũlũngalu, na akũsĩĩaa na kanyw'a na aitangĩĩwa.

Kwoou ĩndĩ mũĩkĩĩo wũkaa kwa kwĩw'a Ũvoo, naw'o Ũvoo wũkaa kwĩsĩla kũmũtavany'a Klĩsto.

Maandĩko Matheu maĩtye atĩĩ, “Ũla ũmũĩkĩĩaa ndakasonokw'a.” Ũndũ ũũ ũwetetwe kwa andũ onthe, nũndũ vai kĩvathũkany'o kya Mũyuti na Mũndũ-wa-mbaĩ-ingĩ; Mwĩai o ũmwe nĩwe Mwĩai woo onthe, na nĩ mũlau kwa onthe ala mamũvoyaa. Nũndũ Maandĩko Matheu maĩtye, “Mũndũ o na wĩva ũla ũkekaĩla ĩsyĩtwa ya Mwĩai akatangĩĩwa.”

Namo andũ matonya ata kũtavany'a mate atũme? O tondũ Maandĩko Matheu maĩtye, “Kote ũndũ mũseo kũka kwa atũmwa ala maetae Ũvoo Mũseo!”

Ĩndĩ andũ matonya ata kũmwĩkaĩla ũla mataamwĩtĩkĩla? Na makamwĩtĩkĩla ata mataaĩw'a ũvoo wake? Na makawĩw'a ata matatavĩtw'e nĩ mũndũ?

Klĩsto nĩwaminie maũndũ ma Mĩao, nĩ kana andũ onthe ala meethĩwa na mũĩkĩĩo matw'ĩkĩthw'e alũngalu.