Populære bibelvers fra निर्गमन 7

Del

फेर यहोवा नै मूसा तै कह्या, “सुण, मै तन्‍नै फिरौन कै खात्तर परमेसवर जिसा ठहराऊँ सूं; अर तेरा भाई हारुन तेरा नबी ठहरैगा।

पर मै फिरौन के मन नै कठोर कर दियुँगा, अर मिस्र देश म्ह भोत-से अपणे चिन्ह अर चमत्कार दिखाऊँगा। फेर भी फिरौन थारी ना सुणैगा; फेर मै मिस्र देश पै अपणा हाथ बढ़ाकै मिस्रियाँ नै भारी सजा देकै अपणी सेना यानिके अपणी इस्राएली प्रजा नै मिस्र देश तै लिकाड़ ल्यूँगा।

अर जिब मै मिस्र देश पै हाथ बढ़ाकै इस्राएलियाँ नै उनकै बिचाळै तै लिकाड़ ल्यूँगा फेर मिस्री माणस जाण लेवैंगे, के मै यहोवा सूं।”

फेर फिरौन नै पंडितां अर जादू-टोणे करण आळयां ताहीं बुलवाया; अर मिस्र देश के जादूगरां नै आकै अपणे-अपणे तंत्र-मंत्र तै उस्से तरियां ए करया। फेर उननै भी अपणी-अपणी लाठ्ठी ताहीं गेर दिया, अर वे भी साँप बणगी। पर हारुन की लाठ्ठी उनकी लाठ्ठियाँ नै निगळगी।

यहोवा न्यू कहवै सै, के इसतै तू जाण लेगा के मै यहोवा ए परमेसवर सूं; देख, मै अपणे हाथ की लाठ्ठी नै नील नदी कै पाणी पै मारूँगा, अर पाणी खून म्ह बदल ज्यागा

“जिब फिरौन थारे तै कहवै, ‘अपणे सबूत का कोए चमत्कार दिखाओ के परमेसवर नै थारे ताहीं मेरे धोरै भेज्या सै,’ फेर तू हारुन तै कहिये, ‘लाठ्ठी नै लेकै फिरौन कै स्याम्ही गेर दे, के वा साँप बण ज्या।’” फेर मूसा अर हारुन नै फिरौन कै धोरै जाकै यहोवा के हुकम कै मुताबिक करया; अर जिब हारुन नै अपणी लाठ्ठी ताहीं फिरौन अर उसकै कर्मचारियाँ कै स्याम्ही गेर दिया, फेर वा साँप बणगी।