Populære bibelvers fra Rom 7

Del

Nau ku baelafea God, sulia nia ana naa e adomi nau ana Jesus Christ a Lord gia! Haia, ana manatagu sui nau na wane raoa God, sui boroi ana na nonigu ka rao fuana taꞌalaa.

Nau ku haitamana na dianalaa langi si too ani nau i laona nonigu. Sulia langi kasi waluda fuagu uria iililana doo diana gi, sui boroi ana kuka dooria iililana doo diana gi.

Ma nau langi kusi iilia na doo diana gi na nau ku doori iilia, ma kuka iilia agu na taꞌalaa na nau langi kusi doori iilia.

Ma lea ku iilia na doo na nau langi kusi doori iilia, tama nau langi na ku iilia. Ma lau ana, na taꞌalaa na e too i lalo ani nau ana naa e iilia.

Haia, nau ku daotoona naa nae: si kada nau ku dooria iililana na doo na e diana, na taꞌalaa i nonigu ka lui nau. Na mourilagu e dooria asianaa iililana kwaieresia a God gi.

Ma sulia nau ku iilia agu doo na langi kusi doori iilia, nia ka faatainia nau ku aalafaafia na kwaieresia na e diana.