Populære bibelvers fra मत्याल 2

Del

पया ओरु उका रोमतद लोतगा नेङतोर, अगा पेकानु, ओना तलोग़ मरियानु ऊळतोर, ऊळिसि पेकानाङ काल्क अर्सि, ओरु ओन दंडुम अरतोर. ओसो ओरु तमाङ सोमताङ पेटिनु तेंडिसि, बंगरि, वेल्‍ला दाराता दूपमि, अतर्नेयु, इद्रमताङ पेकाह्‌कु वाटटोर.

बेह्‌रोग़ एरोद राजाना कालमते, यहुदा पटटा बेत्लेहेम नाटेनगा येसु पुटिस मतोग़. ताना पया अद पटटा मोदुल सहर येरुसलेमते, बोर उकान ऊळिसि पुनवालोर वातोर. ओर पोळ्‍द पेसनेनाहि वेल्‍लाय जेक देसेमताहि येरुसलेमते वासि, पता कीयलाह बोटटोर. “यहुदिरा राजाल पुटटोग़ इनजोर तोहतनद उकातुन माट पोळ्‍द पेसना बाजे ऊळतोम, अहे ओन दंडुम अरयकोम इन्जि वातोम. ओग़ पुटटोग़ु बेगाडोग़?” इन्जि वेर उकान ऊळवालोर ताल्ह्‌कतोर.

उका रोमतदिन ऊळिसि, ओरिह्‌क बेचोनो गिर्दा वाता!

पया वेन पेकान एरोद हव्कनोग़, इदिन देवुळ पुन्जि “एरोद राजानके मल्स अनमाटु,” इन्जि ओरिह्‌कु कलाते कबुर वेहता. अदिह्‌कु ओरु तमा देसेमतके दुस्रा अग़दुह्‌क पेसिस अतोर. उकान ऊळवालोर अतापया ऊळाटु, योसेपिन उंदि देवतुल कलाते कलियिसि वेहता, “पेकान हव्कलाहि, एरोद राजाल कोज पेह्‌कसोर मन्ह्‌तोग़. अदिह्‌के निमा तेदा, पेकानु, ओना तलिनु पोसि मिसर देसेमते विता. अहे अग्डाहि मल्स वाटु इन्जि, नना नीक वेहनाह्‌जोम, मीटु अगाने मन्ह्‌टु,” इन्जि वेहता.