Populære bibelvers fra Matthai 13

Del

Alyi phanapa lie a tlapa saciy tapa ca vuoruo pena kaw kha thyi te a siyluo zaw a pachangpa kha ama cuo. Thyipaa kha hnyi te chekha ta le zakha, chekha ta le sawcaruv, chekha ta le sawthung ama vyi.

Ahling hrawlie a tlapa saciy tapa ca vuoruo pena kaw kha thyi raalaa te cuorasala hing chuelyi khysatungbangna kaw, hne sue hne thiy khingnapa ta capa bie ca a kalaa nakawta, thyipaa hnyi khu vayi.

Luopuv lie a tlapa saciy ca cawsaa pakha ta vuoruo pena kaw kha thyi raalaa te a siyluo a pachang li tiyta, a pha lipapaa kha a vaw te ama palung chunglie tuvpa saciy ca a lapa yi.

Lungdaa cunglie a tlapa saciy ca vuoruo pena kaw kha ama thyi pahne ta palung tluosa pata a cuhluopa tie kha ama cuo. Cahaapaapa cawsaa zaw chunglie ca aa thuvpuv ta hruo a thla li nakawta a syi ru vyi. Capa bie kawlie ruvnaana hne hrisaathieruena aa vaw pahne ta amaa palise paluo.

“Vuoruo pena ca lu chunglie ama nupa sue sungnaapa hne tana aa lu. Cawsaa pakha ta a hmung tiyta nu siy te, palung tluosa pata ing luo kaa te, a hnyipa bangkhuo kha zaa te capa lu ca a calyi,” a ta.

Saciy chekha ca alyi pha napa lie kha tla te a che ta le zakha, a che ta le sawcaruv, a che ta le sawthung ama vyi.

Sa hrie tiy a ta nate le hne thluo yi se. Sa hrie cuo thueta sa a hriepa tie kha, lubi ca pakhaw ungla myipung luo thaw riypata cataw tie ung, cuorasala sa ca sa-ing luo kha raw tie ung, i ta'a yi, a ta,” a ta yi.