Populære bibelvers fra UMOZHIGO 22

Del

Ga Abraham po apata izeci maa, AGWANGWAMA ubwa ba pana, gana na ta a ta duma ta hwayɛ ɛɛ hiɛŋ, Ni ihiŋhiŋ Ishɛmɛ nɛ AGWANGWAMA a kwụba.

Agwatana hiɛŋ bụ, Shapa yɛu ɛtɛ bụ mokondo, ga Azik, ata obo lubo, maa zhe na cɛnjɛ tu Moria, ma to ụrụpɛ tuhwoŋzhingo nu bwa ni Ishɛmɛ ike nɛ Ngɛɛ zhɛ mo bu mbisono.

Butumwa ata hiɛŋ bụ, Ta mba u'ala bụ maa shɛrɛ yɛu ɛtɛ o, ta nda bụ kaa du iyi elele o, hwuwayɛ go M mepi maa ba sụma Agwatana inyɛsɛ, bi nyashɛ shɛ bụ kaa yɛu bụ mokondo nɛ abi 'yajɛ o.

Ga Abraham jishijɛ bụ, bɛɛ hiɛŋ, Ɛ-yɛu mi, Agwatana zhɛ mama pana yɛu-ụgwụdụ iwɛ ụrụpɛ tuhwoŋzhingo. Ee hwuri hwɛɛ aba ebe yebi.

N shiri-unu Ngɛɛ hiɛŋ, N zhɛ ma bụ pana uwebiye, tukaana Ngɛɛ zhɛ mo lono maa ajalalo bu na kaana ufwugwo tugombo gana mkpasu ma azuba keeni gana ahwayɛ itekwu. Ajalalo bu zhɛ na lasatagwụ atwa i'ime ya aba. Tedure na ajalalo bu, Ngɛɛ zhɛ ma pana cɛnjɛ tu unyizo ga kpaaŋ uwebiye, iwɛnɛ ta abụ hwụjɛ-unu mu.

Na aba ijɛ kpaaŋ, nazhɛ Agwatana menji Abraham, bɛɛ hiɛŋ bụ, Abraham! Ga Abraham leni, bɛɛ hiɛb bụ, Oo.

Nazhɛ butumwa ba AGWANGWAMA ba azuba suyanɛ bụ, bɛɛ hiɛŋ, Abraham, Abraham! Ga Abraham leni, bɛɛ hiɛŋ, Oo Gamba na.

Nazhɛ butumwa ata ba AGWANGWAMA ba azuba suyananɛ Abraham na azuba na aka iyebi, bɛɛ hiɛŋ bụ, AGWANGWAMA hiɛŋ, M momo to maa, N zhɛ ma bụ pana uwebiye duwa, iwɛnɛ abɛ njɛ ijɛ abu n nyashɛ shɛ yɛu bụ mokondo.

Ee zhe ee ci ofwo ata Agwatana ge mbishi bu, ga Abraham mo utukwu-ụrụpɛ apata, bee shemeni i'wɛ'wɛ shiriri, bee umpi yɛu ibwɛ ga Azik, bee wecicinji bu ni i'wɛ'wɛ ebe utukwu-ụrụpɛ.