Populære bibelvers fra Pʉɔ-Lɔ́mɑ 15

Pɔ́Ꞌɔ, mɔ sɛ́ ńtsɑ́ɑ ŋɡɔ Sɛ́ ẅí jʉ́ ɡɛnɛ lɑ pɛ́ nɑ́ŋ ḿbɔ́ ńzẅíꞋlɛ yúu, ɑ lɛɛ nǔu pɑ́Ꞌ pʉʉ zɑ́pnɛ tʉ́m nǔu wɛ́, ŋ́ɡɛ tsɑ́ɑtɛ pɔ́p mɔ́fíitɛ jʉ́ tʉ́m yʉ́ʉ, ńjí ŋɡɔ Zẅikŋɛ Lɛ́ɛnɛ́nɛ ɡʉ ńdɔk mɛtʉʉ mɛ́ ŋ́ɡɛ pʉʉ pɔ́ kwɑꞋ pɑnɑ́ŋ ńzẅíꞋlɛ yúu mi Sɛ́ kɑ kɑ́Ꞌnɛ.

Ɛ́ zɛɛ ŋ́ɡɔ ḿbɔ́, mbɔ mbɑ kʉ̈ɔ́ lɑ́ yi pɛ́ kɑ lɑ́Ꞌnɛ ńzɑ́Ꞌ njí ŋ́ŋwɑꞋnɛ tsɛt ŋwɑꞋnɛ-Sɛ́, pɛ́ kɑ pɔ́ ŋ́ŋwɑꞋnɛ pɔ nɛlɔk ńnɑ́ŋ ńzíꞋ wɛkŋɛ nɛ́ yúu, nɛpɔ́ yi ɛ́ ɡʉ ńdɔk pɑ́Ꞌ ɛ́ sɛ́ ńníꞋ mɛtʉʉ mɛkŋɛ, ḿbɛn ḿbɔ́ ŋ́ɡɛ ŋɡɔ kɔɔ pɛkŋɛ kɑ́ɑ, pɛkŋɛ jí ŋɡɔ pɛkŋɛ ɡẅɛɛ yúu mi Sɛ́ kɑ kɑꞋnɛ mbɔ̌ pɛkŋɛ.

Mɔ sɛ́ ńdɔ́ɔ mbɔ̌ Sɛ́ ŋɡɔ jʉ́ ẅí ɑ níꞋnɛ mɛtʉʉ mɛkŋɛ, ɡɛ ŋɡɔ kɔɔ pɛkŋɛ kɑ́ɑ, ɑ ɡɛ pʉʉ ɡẅɛɛ tɑ́Ꞌ kwɑŋɛ tsɛtsɛt pʉʉ, ɛ́ lɔk pɔ́Ꞌɔ, ḿbɔ́ yúu mi Yɛ́su Kɛlístɔ kɑ zíꞋnɛ wʉ́ʉ. Ɛ́ lɛɛ pɔ́Ꞌɔ, pʉʉ lɔk tɑ́Ꞌ ntsu, ńdɔk tɑ́Ꞌ ŋɡi ŋ́ɡúꞋlɛ Sɛ́ Tɑ́t mbɑ Tsɑpʉɔ wɛkŋɛ Yɛ́su Kɛlístɔ.

Pɔ́Ꞌɔ lɑ́, mbɑ wɔ̌ lɑ́ tsɛtsɛt pʉʉ pɛ́m pɛcɔ́ pʉɔ nɛjɔ́ŋ wɛ́, ndʉ́ŋndʉŋ pɑ́Ꞌ Kɛlístɔ kɑ pɛ́mnɛ wʉ́ʉ nɛjɔ́ŋ wɛ́, pʉʉ ɡɛ pɔ́Ꞌɔ, pʉɔ jʉ́ɔ ŋ́ɡúꞋlɛ Sɛ́.

Ɛ́ píkŋɛ ŋɡɔ mbɑ wɔ̌ lɑ́ tsɛtsɛt pɛkŋɛ lɔɔ pɑ́Ꞌ ɑ ɡʉ ŋ́ɡɛ yúu mi ɛ́ ḿbɔŋ pɛcɔ́ pʉɔ, pɔ́Ꞌɔ ńdɔk ńtsɑ́ɑ nu sʉ́Ꞌnɛ nǔu pɔ́p, ɛ́ lɔk cẅɛ́lɛ́ wɔ́p pɔ́p kẅiꞋ ńzɑ́p tʉ́m nǔu Sɛ́.