Populære bibelvers fra ŊwɑꞋnɛ-Gɑŋntúu Yɛ́su Kɛlístɔ 25

Fɛstus ɡɛ pɔ́Ꞌɔ, ńnɑ́ŋ tsɛtsɛt pɔ́p Yɛlúsɑlɛm yúu lɛ́Ꞌ pɛ́nɛ́fɔ́m kɛ lɛ́Ꞌ nɛɡɛ́m yɛcɔ́ ɔɔ ndɑꞋ, ŋ́ɡɔ́ɔ ŋ́kɛ́ ḿbɛn nzʉʉ nɛ́ Sɛ́zɑlɛ̂. Njí ɡɛ ŋ́kiɛ, ɑ nɑ́ŋ sɛ́ nɛŋɑk ntsɑŋ, ńcú ŋɡɔ pɛ́ ɡɛ Pɔ̂l tɔ́. Pɔ̂l tɔ́, Pɑyúdɑ cúŋ ɛ́fú Yɛlúsɑlɛm ńtɔ́, ńtʉ̈ɔ́Ꞌlɛ wɛ́ ńníꞋ sɔŋ, ńtík mɛnu mi ɛ́ tɛn tɛnnɛ tú wɛ́ tɛ ɛ́ zɑ́ɑ zɑ́ɑnɛ. Ŋu wɔp ẅi ɑ ɡʉ ŋ́kɛ́ ḿbɛ́ɛtɛ tɛ mɛtú cẅɛt kɛ́ ḿbɔɔ ɡú pɔ́.

Pɔ̂l pɔ́nɛ ńcú ŋɡɔ: «Mɔ ŋkɑɑ nu kɛpɔŋ ɡɛ. Mɔ ŋkɑɑ nɛpʉ́ʉ-pɑyúdɑ fɑɑnɛ. Mɔ ŋkɑɑ níꞋ lɔ́Ꞌ nǔu ZʉꞋ-nɔŋpɔꞋ pɔ́, ŋ́kɛ́ mbɔɔ sẅiŋɛ kɛpɔŋ nǔu Kɑ́sɑ-Pɑlɔ́mɑ pɔ́.»