Populære bibelvers fra MA-TAI 18

Del

I̍n uĕi dso̍ lia̍ng laèo li suŏng săm uèn fêng dsó ku̍ ruŏm, ku̍ iei lâi dso̍ dsing kăng sa̍o dı̍.

Ku̍ yu̍ lăng ka̍i su̍ nào, ka̍i su̍ nò li suŏng uèn dso̍ săng dî ndăn kúng dsŏ̤ chiu rĕ iàng mà, Bó ku̍ dso̍ săng mbĕn lâi uĕi sa̍o dı̍ bàn dsài.

Iei-su iáo lèk sa̍e ndiăo mă laéo dso̍ dsing kăng sa̍o di̍ nào. Ku̍ lăng ka̍i su̍ nào dsı̍ng, ka̍i su̍ nò mì gêi dsŏ̤ bàn lûm lèk sa̍e, dsi mì ndai dsít băi ndăeo kuèh mbĕn.

Wĕi mà váng laèo ká bı̍p ndăng lûm lèk sa̍e ni, váng ndi dso̍ ndăeo kuèh mbĕn shĭ ndu̍m lăe.

Váng laèo uĕi dsó ku̍ dsu dék lèk sa̍e iàng ni váng ndiăo, dsîu shĭ dsu dék ku̍.

Ku̍ lăng ka̍i su̍ nào dsı̍ng, ka̍i su̍ dso̍ săng dî ndăn kuên zó̤t iàng mà, dso̍ săng mbĕn iei lâi kuên zó̤t, ka̍i su̍ dso̍ săng dî ndăn gêi dsu̱̍ng iàng mà, dso̍ săng mbĕn iei lâi gêi dsu̱̍ng.

Ka̍i su̍ da̍ng uèn nò mì dsŏ̤ só iàng suĕi bi nuong, Bó mbĕn ku̍ iei mì iàng suĕi ka̍i su̍.

Váng laèo zâeo lèk sa̍e sĭn dsàn ku̍ váng ndiăo da̍ díu, váng dù uèn dı̍ da̍u mì niáo li vă rĭn ba̍n ku̍en dso̍ săng kung yu dı̍, măn dso̍ ndăeo zâi làk.

Váng dù uèn ndiăo li ba̱̍k dù iùng, dók liao dù ndiăo, ka̍i su̍ iàng yu̍ dsĭm? váng dı̍ hai mì shĭ dô kû dsìp kû dù dso̍ săng bŏ, ră dù iùng dók ndiăo băi ní?