Populære bibelvers fra Markus 4

Del

Mi'cokmi to Puang Isa, nagarra'i to kalimpuru, nakua lako tasik, “Radanko, rapa'ko!” Radanmi to kalimpuru narapa' to tasik. Mangkadami lako anak gurun-Na nakua, “Ciapari mimalaja'? Te'daparaka mikatappa'ina'?”

Gaja laja'i sola ngasan, nasipangkada-kada nakua, “Indara ia sitonganna tee tau na moi angin sola tasik nturu' too parenta-Na!”

Ia to Puang Isa mamma' lo' pollo' lopi mangngallonan. Ia joo wattu, malemi to anak gurun-Na ntundanni nakua, “Oo, Guru, danggi' tamamma' bang! Te'daraka taparinawai kumua la tallanmiki'!”

Mangkada omi to Puang Isa nakua, “Ingaran meloi tee apa misa'ding! Ia to pesuka' misukatan tau, la napake too Puang Allataala ssuka' kamu', na la'bih budapa.

Mpatarruhmi kadan-Na Puang Isa nakua, “Ianna mangparentamo Puang Allataala susi Raja, wa'ding dipasangrapang mesa' tau nnamboh banne jio umanna. Mamma'i ke bongi, mi'cikki ke allo. Ia joo banne saloboh-lobohna, namatonggo. Apa umbo nakua natuo, te'da naissenni.

Iamo joo, ingaranni to apa mangka misa'ding, sanga ketalinga kamu'!”