Populære bibelvers fra Markus 2

Del

Nasa'ding Puang Isa to pekutananna, napebalii nakua, “Ia to tomalagah te'da naparallu tomangjampi, apa to tomasakira mparallui tomangjampi. Te'da kuratu la ntulung to tossanga kalena tomelo, apa ratura' ntulung tomadosa, anna mengkatoba'.”

Ia tonna issenmi Puang Isa matumba kamatapparanna tuu lako tau, mangkadami lako joo tokupi', nakua, “Ee anak-Ku', didampanganmoko.”

Mangkada omi nakua, “Ia to Allo Katorroan dipaden dikua napumeloi tau. Tangngiara tau dipaden, dikua napumeloi Allo Katorroan.

Apa liwa' budanna tau, nate'damo lalan naola tama bola mpendete'i to Puang Isa. Iamo joo nannola jio pelalan endek de' dea bola, natimbakkii to dea situjunna Puang Isa do', namane' rroroanni jao mai joo tokupi' jiong ampahna.

Apa ia tee wattu la kupakitan kamu' kumua makuasana' Aku', Anak Mentolino, ndampangan tomadosa lan tee lino. Iamo joo kukua lako tee tokupi', ‘Ke'dehmoko, angka'i tuu ampahmu, mupole!’ ”

Umbonnara marawa, dikuaraka lako tee tokupi', ‘Didampanganmoko’, ba'tu dikuaraka, ‘Ke'dehmoko, angka'i tuu ampahmu, mulumingka.’

Ta'pa ke'dehmi, naangka'i to ampahna, namessun, nakitai tobuda. Jangngah ngasanmi to tau ngkitai, anna mpakala'bih Puang Allataala nakua, “Te'da lalopa naden takitai to apa jaji susi tee.”