Populære bibelvers fra Markus 14

Del

Malemi ba'tu pirang-pirang tengkan, nasuju' massambajang nakua, “Oo Ambe', te'da to apa tanglawa'ding jaji, ke Kita'. Lendokanni tee kamaparrisan jio mai kale-Ku', ke wa'dingngi. Apa tangngia pakkaeloran-Ku' to la jaji, apa pakkaeloran-Ta' Kita'.”

Nakua toopa, “Majaga kamu', mimassambajang too, danggi' mituru'i ke disede kamu' mpugauk dosa. Sitonganna madoang to penawammi mpugauk katonganan, apa te'da mikullei, sanga malamma to sipa' tolino.”

La miingaran tee kadang-Ku' kumua, umbo-umbo dinii lan tee lino mpangpeissenan Kareba Kasalamatan, tuli la dicurita todai to apa napugauk joo baine, dinii nningaranni!”

Nakuamo lako joo tallu anak gurun-Na, “Liwa' masussanna penawang-Ku', susi to kumua la matemo'. Torromo kamu' ntee, tapada merroja.”

Ia tonna kumandemo sola ngasan, naalami Puang Isa joo roti, namangkurru sumanga' lako Puang Allataala, namane' nti'pek-ti'pekki, anna benni anak gurun-Na nakua, “Alai mikandei, batang kale-Ku' tee.”

Mangkai joo too, nnalami isotan anggoro', namangkurru sumanga' lako Puang Allataala, namane' mbenni anak gurun-Na, anna mangngiso' anggoro' sola ngasan. Nakuamo Puang Isa, “Rara-Ku' tee, to mpaassah basse-Na Puang Allataala, rara to dipato'do la ndampangan buda tau.

Mangkai joo too, nakuanmi Puang Isa to anak gurun-Na, “La misalaina' sola ngasan. Susi to diuki' lan Sura' Allataala nakua Puang Allataala kumua, ‘La kubunoi to tomangrewana, anna sisarak-sarak to bembala'na.’

Mi'cokmo kamu', tamale. Kitari! Ia to tolampangpejokkoanna', ratumi.”

Nakuamo Puang Isa ngkuanni, “Ee Petrus! La muingaran tee kada kupauanko kumua, te'dapa napenduan kekkua to manuk tee bongi, mupentallunmo mpessakkannina'.”