Populære bibelvers fra Yahya 2

Del

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.

Mebalii Puang Isa nakua, “Oo indo', danggi'pa suana'. Te'dapa nadete'i wattung-Ku' la mpangpeissenan kale-Ku'.”

Nakua Puang Isa ngkuanni tuu lako todisua, “Issii wai tuu mati' busu.” Napeponnoi tonganmi wai. Nakua omo Puang Isa, “Siokki ci'di', mibawanni joo todipatoei sara.” Malemi nabawan.

Napebalii Puang Isa nakua, “Ro'pokanni tee Bola Puang Allataala, na tallung allora kunii mpake'deh pole'i.”

Nnalami ulang Puang Isa nagaragai perambi, namane' nnula'i ngasanni to tau messun lan mai rante Bola Puang Allataala sola sininna bekena, bembala'na, na sapinna. Ia to doi' dipangpetongkan napessamboranni do' litak, namane' mbalittua'i to mejana. Nakua ngkuanni to pangdangkang jangan-jangan, “Alai ngasanni tuu mati', danggi' mipasusii pasa' to Bola-Na Ambe'-Ku'.”