Populære bibelvers fra Romu 16

Del

Tamụnọ, wamịna dein ḅụụ ḅụ sime tẹ ḅoarị ḅọ ḅe, ala-a sakị ḅụ Ekwesu fomu gbin tẹ ọmịnị ọ̀ nanga ḅọrọ ḅa. Wa Nyanaḅọ Jizọsị Kịrayịsị ḍiki-ḅụụjịrị na ọmịnị na simee.

Ị̀ amịnapụ, arị ọ́ tẹkẹm ó tomi kẹ ogbo-ogbo puu tẹ tomina minini pịkị iḅoarị apụ na, ọ́ tarị ḍawọ aị ma na tụḅụrụ wararị aị tolumarị apụ na ẹbị lamaa. Ọmịnị ịna ḅụ ḅụụ ḅelemaa!

Mịna aị ma mịẹarị apụ ma, ịn Wa Nyanaḅọ Kịrayịsị ḅe fịrịmẹnjị-a, ịna pọkọ-ḅẹngbọ ịna ḅụụ ḅẹrẹ tẹịnm. Ḅịḅị ḅẹlẹ ẹkwẹn mie ịn kẹ ye-nimia-apụ ma furuma, furuma tẹ in toluma irimarị.

Ó yee wa boma kẹ Tamụnọ pịrịị! Ori anie inetẹ mịẹtẹ à kẹ ḅo ọ́ pịrị Jizọsị Kịrayịsị gboloma Iḅi-Oku mẹ ḅụ ó nyana minini mẹ ḅụ ọ́ sịẹ kụrọ ḅarịye; anie iḅere-iḅerea kụra-ḅio kikima sime karakara mẹ, tẹ ọ̀ mịẹfinji ye mẹ sime-ḅara ḅụ. Mịọkụ, anị sime-ḅara ḅụ, ịkịankoroapụ ma kẹẹ aị ma ḅụ karakara mẹ bele paka tẹ, tẹ sime gbamaso Tamụnọ ḅe tọn ḅara ḅụ, ama sịẹ-sịẹ mamgba nimi tẹ minini tẹ anị ḍuko ḅara mịẹ ḅarị ḅara. Ori ḅe kịngẹ anie Tamụnọ, ori ḅe kịngẹ anie nimi Nyanaḅọọ; boma sime ọ̀ pịrị gbamasoo, Jizọsị Kịrayịsị ḅẹ ḅụụ. Amẹnị.