Populære bibelvers fra Matiyo 15

Kụma tomḅọ ḅịḅị-ḅio paka-ḅoarị aị ma, mḅọ ḅioḅẹngbọ mie arị sime tẹ paka-ḅoarị, tẹ mịna aị ma mie Tamụnọ tọrọkọ mḅọ kẹ fịafịa-aḅọ sọmarị aị ma. Kẹ gotẹ ọkọ ḍukoarị, mḅọ ḅioḅẹngbọ ḅụ mie si akuroma, tẹ mḅọ sukuruma mu kịnị ḅaa na, sẹfị na, ja si amịẹaị na ḅụ suuarị aị ma sime tẹ paka-ḅoarị; furu na, iruo na ja apụ wori-sima na sọ, paa anị gbọrụ ḅara mẹ.

Tomḅọ mịẹ tẹ mḅọ Tamụnọ tọrọkọ fịafịaḅọ sọarị ye, mḅọ kẹ ḅịḅị-ḅio sụa fịarị ye-a; anie nakara mḅọ ḅịḅị-ḅio paka-ḅoarị ye rẹ mie mḅọ kẹ Tamụnọ tọrọkọ fịafịaḅọ sọmarị.”

Tamụnọ ḅẹẹm, “mịna atomi ma, ḅịḅị apara ngẹrị mie ịn kẹ ị̀ kụn-arị, kụma ịna aḅioḅẹngbọ ị̀ ḅụụ ḅele la jụ iḅerea. In sunsin ị̀ pịrịarị nwẹn ḅẹẹ ye mẹ sọ papaa ye, in tomi tọn koroma aị kẹ ì oloko ma kiri ḍima tẹ tolumarị mẹ ẹrẹsị!”

Mie ḅụ Jizọsị nwẹnị á pakịrị, “Ẹrẹḅọ, ị́ nyana minini ḍụḅam! Í ḅiiarị ye mẹ anị mịẹ ị́ pịrị tẹ ye sọ ḅa.” Tẹ anị gbọrụ kiri á tụḅọ ma nwẹnị gwọọ.

Ori ọkọ ḍuko sakị ẹrẹḅọ ma ḅo ọ̀ ḅụọ suku á ḅụụ sẹma-kiri-gbin tẹ nwẹnị ḅẹẹ, “Ị̀ nyanaḅọ, paa ḅarasụa ị̀ pịrịị!” Jizọsị nwẹnị pakịrị, “Awọmẹ fị ḅẹ fịye kẹ wakị obiri pịrị mẹ kuraye mịẹ ye-a.” Ẹrẹḅọ ma nwẹnị pakịrị, “Ị̀ nyanaḅọ, anie karakara ye, kụma obiri ma sọ, paa warị nyanaḅọ ḅe ye fịarị dẹbịlẹ ḅụ kiri kọn tẹ siin-koro afịaị ma fị fịm.”