Populære bibelvers fra Matiyo 13

Anịsakị iḅi kiri koro mgbọlị ma anie oku mẹ naa tẹ anị fie ye nimi apụ; ini ma ini mgbọlụ sụarị, ja apụ sụa mu sọnọa si laarị, osi apụ tesi, osi apụ pịkị suei.”

Nangị asịn ogboku koro mgbọlị ma fiearị ye anie, ini tẹ oku mẹ naa apụ, kụma mị ḍumo mẹ ḅẹ ḅụụ-ḅalaḅala na ngọ ḅẹlẹma na oku mẹ temi ḅaa sin tẹ ịn ḅarị mgbọlụ sụaa.

Ini tẹ Tamụnọ ama-da tẹ ḅẹrẹtọn-arị mẹ ḅẹ oku mẹ naa tẹ anị fiearị ye nimi-a apụ ma anie mẹnjị-ḅọrọ-anga sara mgbọlị ma. Ekwesu ḅe ḅo tẹ ḍiḅi aị ma nụnụ sin-arị.

Ịkụ kiri ḅụ koro aị ma anie, ịn naa gbọrụ kiri ḅioḅẹlẹ ḅara kẹ oku mẹ daa-ọkị apụ. Kụma anị ịna ḅụụ ḅio sọ ḍiḅi-a ẹrẹsị in sime ene la-a. Mie ḅụ, ḅụụ-fụka ḅo, anịanịa tomi oku mẹ gotẹ ḅaa-ḅọkọ kẹ ịn ḍọkị gbọrụ sakị ini anị ḅụ ḅara sin tẹ.

“Tamụnọ Ama-da sakị mẹ mie anị kịkarị ye. Gbọrụḅọ piri-ḅio ḅọị wararị ngọ biinm. Ọ̀ nwẹnị siin anị gbaịn wẹrị, tẹ ḅioḅẹlẹma so mu ọ̀ nyana-ye nyana-ye dẹrị tẹ kẹ pịkịma mu anị piri mẹ fẹẹ ọkị.

Kụma mgbọlị ma ḅẹ jaị iḅi kiri korom, tẹ arị nwẹnị so-paka tẹ mbịaka sụa; jaị sọnọa si, sọnọa si sụam, osi-aị tesi-tesi, osi-aị pịkị suei-suei.”

Yee mbịaka ma na, osuka asịra ma na gbọrụ ḅụ kẹ so-paka, nwenii tẹ ḍiḅi aị ma soku sakị la. Anị sakị ḅụ à ḍuko fịye soku kọrịnama kọrị apụ ma pịrị tẹ ịn tarị asịra ma nụnụ sin tẹ, kẹ poku, poku fịna tẹ dọkịma ḅa, anịtẹrẹmẹ ini mbịaka ma kobiri mu ị̀ fịaị koko warị ḅio suu wẹrị ḅa.”