Populære bibelvers fra रोमी 8

Del

आव पाँत गेयुँ हुप्‍ज़्‍या — परमेस्‍वरए उमिनताव खुल्‍सिउर, ओल्‍योदा यायुँ थू जैद नैज़्‍यावरालाई ओल परमेस्‍वरए ज़ प़ाइँ यालाई तान्‍या ज़ सखैद याएज़्‍याव।

आव पाँत ङायुँ हुप्‍द ले — गेसिदी ब, गेबाँचिदी ब, स्‍वर्गताव चाकर्‍यार तादी ब, मानुवाताव घेप्‍पार तादी ब, आज्‍यालकाव पाँरानी तादी ब, हुन्‍या पाँरानी तादी ब, सक्तीरानी तादी ब, रोतावर तादी ब, मेलावर तादी ब, छुत कातारानी तादी ब, गेलाई गेप्रभु येसु ख्रीसनी ताज़्‍याव परमेस्‍वरए ओमयानी काताए ब मापले·सिधुव।

हिताव ज़ गेनी गेमादोधुज़्‍याव य़ेनल छैंव पुरूसए गेलाई सघैसिज़्‍याव। परमेस्‍वरलाई पोंखारिन्‍या मनी गेनी ज़ गेमासैंए। ओल छैंव पुरूसए ज़ गे सुए ज़ गेमाहाइधुज़्‍याव पाँर गेयुँल पाँद्यासिज़्‍याव।

आव पाँ भरिल गे कै लिन्‍या लिक ते — परमेस्‍वर गेल्‍योदा ओतावए गेलाई सुए ज़ कैज़ माजैसिधुर।

है जैद येसु ख्रीसए उमिनत लिज़्‍यावरालाई परमेस्‍वरनी काता सजा ज़ तान्‍या माले।

माचाव य़ेन दोज़्याव क्‍याँए ल्‍योदा यायुँ झाःज़्‍यावर पापल सिज़्‍यार। छैंव पुरूसए ओल्‍योदा यायुँ झाःज़्‍यावर ते यायुँ होलाँ ताद साःरो जुनी दैज़्‍यार।

हैदी ब गेल्‍योदा उयुँ थू जैज़्‍यावए ल्‍योनी गे आव भरिल झेंःस्‍याराकिन झेंःस्‍या ज़ गेलिज़्‍या।

आव गेजिउताव गेदैज़्‍याव दुखर अजम्‍बरी जुनील गेदैरिज़्‍याव सुखकिन काता ज़ माले लिद ङायुँ हुप्‍द ले।

है जैद गेलाई ख्रीसए ओमयानी सुए ओपले·सिधुरिज़्‍याव? गेलाई दुख उहुदी ब, धो सहिन्‍या उहुदी ब, गेखिरी यापसिदी ब, करे गेतादी ब, नाङग्‍या गेतादी ब, ऩुल उहुदी ब, लरैं उहुदी ब, गेलाई ओमयानी काताए ब मापले·सिधुव।

प़ाइँ युँलाव पाँ सैंज़्‍याव परमेस्‍वरए नो छैंव पुरूसए गेयुँलाव ओपाँव पाँए ओअर्थ भरी तीज़्‍याव। काराव ल्‍यो ताकिन गे परमेस्‍वरए उमिनत लिज़्‍यावराए गेजूँनी नो पुरूसए पाँद ओयासिज़्‍याव पाँ भरी ओल परमेस्‍वरए उयुँलाव पाँस खैव लिज़्‍या।

परमेस्‍वरए उपुरूसए ओरापैज़्‍याव मितावनी दोज़्‍यावर ज़ परमेस्‍वरए ओज़ार ताज़्‍यार।

क्‍याँनिकाव माचाव य़ेन दोज़्यावर ते याक्‍याँए ओपैंज़्यावदा वाज़ यायुँ झाःज़्यार। छैंव पुरूसनी दोज़्यावर ते छैंव पुरूसए ओपैंज़्यावदा ज़ यायुँ झाःज़्यार।

तोबोका तोबो ओज़ा ओलस मानैद, सिन्‍या गेपोल झाःद्याज़्‍याव परमेस्‍वरए, गेलाई ओज़ास ज़ चाहिज़्‍याव भरी कै जैद मायासिउके?

छैंव पुरूस गे गेपुरूस जोरैसिद ‘परमेस्‍वरए ओज़ार गेताके’ है लिन्‍या पाँत ओल ओसाची ब याद नो गेयुँलाव पाँलाई जोर्द्यासिज़्‍याव। गे ओज़ार गेतावए ओबताहा दैन्‍यार ब गेताके — ओज़ा ख्रीसस सिप ज़ दैन्‍या गेले। है जैद ओल उमिनताव दुखर गेदैकिन ओलस ज़ सुख ब दैन्‍या गेले।

नो क्‍याँए ल्‍योदा झाःसिउ युँ ते परमेस्‍वरकिन तँदा ताद परमेस्‍वरलाई सोज़्‍याव। परमेस्‍वरए ओकानुन धूँल मालिधुइ।

परमेस्‍वरए ओरासिर्जैव भरिए ब ‘परमेस्‍वरए ओज़ारालाई खर्क सतैंद अजम्‍बरी जुनी यायोके?’ लिद यायुँ थू जैव ज़ नैज़्‍यार।

किताव ज़ा दैन्‍या मेंमा उघर्लिज़्याव, हिताव ज़ नो ओरासिर्जैव भरिए नो भरी ओमातावा पै ‘आव जुकलाव दुखर खर्क खेम्‍के?’ लिद उथुपुल ताद गहनिउ ज़ लिज़्‍यार।